मन्त्रि अधिकारीसहित हेलिकप्टरमा सवार सबैको निधन

समाचार

ताप्लेजुङमा भएको हेलिकप्टर दुर्घटनामा पाइलट सहित सवार सबैको निधन भएको छ । फुङलिङ नगरपालिका—१०, काफ्लेपाटीमा भएको दुर्घटनास्थलमा पाइटल सहित ७ जनाको शव फेला परेको फुङलिङ नगरपालिकाका उपप्रमुख बमबहादुर भट्टराईले पुष्टी गरेका छन् ।

दुर्घटना भएको जानकारी मिल्नासाथ हामी सो स्थानतर्फ जाँदैछौुं, उपप्रमुख भट्टराईले भने, दुर्घटना स्थलमा पुगेका स्थानीयले ७ जनाको शव भेटिएको पुष्टि गरेका छन्।

उनका अनुसार दुर्घटनास्थल फुङलिङ नगरपालिका र भक्तालुङ गाउँपािलकाको सीमा क्षेत्रमा पर्छ।

अहिले घटनास्थलतर्फ जिल्लास्थित सरकारी अधिकारी तथा प्रहरीसहितको उद्दार टोली पुग्दै गरेको उनले बताए।

ताप्लेजुङमा एयर डाइनेस्टीको हेलिकोप्टर दुर्घटनाको विमानस्थल कार्यालयलेसमेत पुष्टि गरेको छ।

संस्कृति, पर्यटन तथा नागरिक उड्डयनमन्त्री रवीन्द्र अधिकारीसहित ६ जना सवार हेलिकोप्टरमा सवार थिए।

कलसाइन एएमआई (अल्फा माइक इन्डिया) उक्त हेलिकोप्टर काठमाडौंबाट आज बिहान साढे ८ बजे उडेको थियो। मन्त्री अधिकारीसहितको टोली तेह्रथुमको चुहान डाँडा विमानस्थलको सम्भाव्यता अध्ययन गर्न गएको थियो।

मन्त्रीसहित हेलिकोप्टरमा पर्यटन व्यवसायी आङछिरङ शेर्पा, प्रधानमन्त्रीका निजी सचिव युवराज दाहाल, अर्जुन गुरुङ लगायत थिए। हेलिकोप्टर प्रभाकर केसीले उडाएका थिए।