सञ्चारमाध्यममाथि असन्तुष्टि जनाउँदै ओलीले भने– धन्य छ, मिसन पत्रकारिता

समाचार

- न्युज-नेपाल

काठमाडाैँ । प्रधानमन्त्री केपी शर्मा ओलीले विषादी प्रकरणमा आफूलाई समेत झुक्याइएको बताउँदै माफी मागेका छन्।

विषादी प्रकरणबारे भारतीय दूतावासबाट आएको पत्रबारे आफूलाई बेलैमा जानकारी नदिएका कारण आफू नेपाली जनतासामु लज्जित हुनुपरेको भन्दै उनले माफीसमेत मागे।

बुधबार त्रिभुवन विश्व विद्यालयको ६० औं वार्षिकाेत्सव कार्यक्रममा सहभागी कार्यक्रममा ओछयाइएको रातो कार्पेटबारे विभिन्न संचार माध्यमहरूले बनाएकाे समाचारलाई उनले मिसन पत्रकारीताकाे नाम दिएका छन् । पानीले भिजेको राताे कार्पेटलाई संचारमाध्ययमले ठूलाे समाचार बनाउनु मिसन पत्रकारीता भएकाे उनकाे भनाई थियाे ।

उनले कालो पत्रे नभएको बाटोमा हिलो भएको विषयलाई लिएर समाचार बनाएको भन्दै मिसन पत्रकारिताले आफूलाई हैरान बनाएको बताए । ‘म प्रधानमन्त्री भएको एक वर्ष भयो,’ उनले भने, ‘देशका सबै सडक कालोपत्रे गर्न सकेनछु । ’ तर त्यसलाई पनि समाचार बनाएको उल्लेख गर्दै उनले भने, ‘धन्य छ, मिसन पत्रकारिता ।’

प्रधानमन्त्री ओलीले प्रदेश सरकार संघीय सरकारको मातहतमा रहेको बताए । प्रदेश सरकारलाई स्वतन्त्र सरकारको रुपमा लिइएकोमा आपत्ति जनाउँदै उनले संवैधानिक व्यवस्था अनुसार नै प्रदेश सरकार संघीय सरकारको मातहतमा रहेको बताए ।

प्रधानमन्त्री ओलीले संविधानले सुरक्षा, परराष्ट्र मामिला तथा आर्थिक अधिकारका विषय संघीय सरकार अन्तरगत संचालित हुने भनेर प्रदेश सरकारलाई संघीय सरकारकै मातहतमा राखेको स्मरण गराए ।