पार्टी एकताको एक दुईवटा विषयमा औपचारिकता दिनमात्रै बाँकी छ: प्रचण्ड

समाचार

- न्युज-नेपाल

काठमाडाैँ । पार्टी एकताको एक दुईवटा विषयमा औपचारिकता दिनमात्रै बाँकी छ। केही दिनभित्र हामी सबै कुरा टुंग्याउँछौं’, उनले भने, ‘यही साउन महिनाभित्र नै पार्टी एकताका रयलपयल काम पनि टुंग्याउन बाँकी रहेको अध्यक्ष पुष्पकमल दाहाल ‘प्रचण्ड’ले बताएका छन्।

४१ औं पुष्पलाल स्मृति दिवसको अवसरमा मंगलबार पुष्पलाल स्मृति प्रतिष्ठानले मंगलबार बिहान किर्तिपुरको चम्पादेवीमा आयोजनाको गरेको कार्यक्रमलाई संवोधन गर्दै प्रचण्डले सुझबुझपूर्ण ढंगले सञ्चालन गरिएको जनयुद्ध र जनआन्दोलनको बलले नै मुलुकमा गणतन्त्र स्थापना भएको बताए।

‘पार्टी एकताको एक दुईवटा विषयमा औपचारिकता दिनमात्रै बाँकी छ। केही दिनभित्र हामी सबै कुरा टुंग्याउँछौं’, उनले भने, ‘यही साउन महिनाभित्र नै पार्टी एकताका रयलपयल काम पनि टुंग्याउने, स्थायी समिति र केन्द्रीय समितिको बैठक पनि बस्ने हाम्रो लक्ष्य छ।’
प्रचण्डले केन्द्रीय समितिको बैठकबाट देशव्यापी अभियानमा जाने कार्यक्रम तय हुने बताए।

नेकपाको स्थायी समिति गत मंसिर २९ देखि पुस १३ सम्म बसेको थियो। पार्टी विधानमा स्थायी समिति बैठक तीनतीन महिनामा बस्नुपर्ने प्रावधान छ। त्यस्तै, ६/६ महिनामा बस्नुपर्ने केन्द्रीय समितिको बैठक पनि अघिल्लो जेठमै बसेदेखि फेरि बसेको छैन।

‘यो एक वर्षमा पार्टी एकता ढिला भयो, कार्यविभाजन ढिलो भयो, हजारौं कार्यकर्ताले काम गर्ने सकारात्मक वातावरण बनेन भन्ने जुन चिन्ता थियो। त्यो चिन्तालाई दूर गर्ने, कार्यकर्ता आम रुपमा उत्साही गर्ने, जनतालाई उत्साही गर्ने र सरकारका कामलाई सुशासन र विकासमा एउटा मोडल तयार गर्नेगरी जानु छ’, प्रचण्डले भने।

आफूहरुले पुष्पलालले देखेको सपना जनवादी क्रान्ति मौलिक ढंगले पूरा गरेको प्रचण्डले दाबी गरे।