ताजा समाचार

इरानको मिसाइल हमलापछि ट्रम्पले भनेः अल इज वेल

गतिविधि
- न्युज-नेपाल
       

एजेन्सी । अमेरिकाले इरानी मिसाएल हमलाबाट कुनै क्षति नभएको जनाएको छ ।

अमेरिकी राष्ट्रपति डोनाल्ड ट्रम्पले ट्विट गर्दै अल इज वेल भन्दै कुनै क्षति नभएको जनाएका हुन् ।

उनले ट्वीटरमा लेखेका छन्- अल इज वेल! इराकका दुई सैन्य अड्डामा इरानबाट मिसाइल आक्रमण भएको छ। आक्रमणबाट भएको मानवीय र भौतिक क्षतिको अध्ययन हुँदैछ। अहिलेसम्म सबै ठीक छ। हामीसँग अहिले संसारकै सबैभन्दा बलियो र शस्त्रले सुसज्जित सैनिक छ। यसबारे म भोलि बिहान प्रतिक्रिया दिनेछु।

आफ्ना एक प्रमुख सैन्य कमाण्डर कासिम सुलेमानीको हत्या गरेपछि इरानले अमेरिकासँग बदलास्वरूप मिसाइल हमला गरेको छ । बुधबार बिहानै इरानले इराकमा रहेका दुई अमेरिकी सैन्य अड्डामा एकसाथ झन्डै दर्जन मिसाइल हानेको थियो ।

यसअघि ट्रम्पले इरानले आफ्ना नागरिक र सम्पत्तिमाथि हमला गरे इरानका ५२ साँस्कृतिक महत्वका स्थानमा आक्रमण गर्ने चेतावनी दिएका थिए।

Comments

प्रकाशित मिति : 2020-01-08

अरु समाचार

© NewsNepal 2018 - All Right Reserved.
newsnepal.com 2017.hlon.org