अग्नी सपकोटामाथि अग्नी परिक्षाः सभामुखको निर्वाचन र मुद्धाको सुनुवाई आजै !

गतिविधि

- न्युज-नेपाल

काठमाडाैं । प्रतिनिधिसभाको रिक्त सभामुख पदका लागि आज सभामुखको निर्वाचन हुने भएको छ ।

सत्तारुढ दल नेपाल कम्युनिष्ट पार्टी (नेकपा)का तर्फबाट नेकपा स्थायी कमिटी सदस्य अग्नीप्रसाद सापकोटाको एकल उम्मेदवारी परेपनि आज निर्वाचनको प्रक्रिया भने पुरा गरिने छ ।

एकल उम्मेदवारी परेपछि निर्विरोध सभामुख पदका लागि चयन भएका सापकोटालाई आज संसद बैठकले सभामुखमा चयन गर्नेछ । जसमा प्रतिनिधिसभा ज्येष्ठ सदस्य राष्ट्रिय जनता पार्टी (राजपा)का नेता महन्थ ठाकुरले गर्नेछन् । भने उनले नै माघ १२ गतेका लागि सभामुखको निर्वाचन कार्यतालिका सार्वजनिक गर्न भन्दै संसद सचिवालयलाई निर्देशन दिएका थिए ।

यसैबीच सभामुखका उम्मेदवार सापकाेटालाई तत्काल पक्राउ गर्न माग गर्दै सर्वाेच्च अदालतमा परेकाे रिटकाे आज सुनवाइ हुँदैछ ।

सापकोटालाई तत्काल पक्राउ गरी फौजदारी अभियोगमा मुद्दा चलाउन माग गर्दै सर्वोच्चमा शुक्रबार रिट निवेदन दर्ता भएको थियाे। अधिवक्ता दिनेश त्रिपाठीले सापकोटालाई तत्काल पक्राउ गरी अनुसन्धान प्रक्रिया अघि बढाउन माग गर्दै रिट निवेदन दर्ता गरेका हुन् ।

काभ्रेका अर्जुन लामाको हत्यामा संलग्न भएको अभियोग समेत सापकोटामाथि छ ।