प्रदेश ५ राजधानी विवादः नेकपा संसदीय दलको बैठक बस्न सकेन

लुम्बिनी प्रदेश

- न्युज-नेपाल

काठमाडाैँ । नेपाल कम्युनिस्ट पार्टी (नेकपा) प्रदेश ५ संसदीय दलको बैठक अझै बस्न सकेको छैन ।

बिहान ७ बजेका लागि बैठक बोलाएको भएपनि सबै सांसदहरु उपस्थित नभएपछि बैठक सुरु हुन नसकेको नेकपा प्रदेश ५ प्रमुख सचेतक भुमिश्वर ढकालले बताए ।

आजै सर्वदलीय बैठक समेत बस्ने तय गरिएको छ । १७ असोजमा मुख्यमन्त्री निवासमा भएको नेकपा संसदीय दलको बैठकमा आफ्ना धारणा राख्न नपाएका सांसदहरुले आज तय भएको बैठकमा आफ्ना धारणाा राख्ने बताईएको छ ।

प्रदेश सभाको बैठक भने १२ बजेका लागि बोलाईएको छ । प्रदेश सभामा प्रदेशको स्थायी राजधानी र नामाकरण सम्बन्धि पेश भएको प्रस्तावमा आजबाट छलफल हुनेछ ।

छलफलमा उठेका बिषय माथि आन्तारिक मामिला तथा कानुनमन्त्री कुलप्रसाद केसीले जवाफ दिनेछन् । सो प्रस्ताव भोलि पास गर्ने तयारीमा सत्तारूढ दल नेकपाको तयारी छ ।

यता प्रदेशको स्थायी राजधानी को प्रस्तावविरुद्ध आन्दोलन सुरु गरेका नेपाली कांग्रेससहित यस क्षेत्रका संघसंस्थाले संसद भवन घेराउ गर्ने कार्यक्रम रहेको छ । अहिले प्रदेशसभा सचिवालयमा ठूलो संख्यामा प्रहरी परिचालन गरिएको छ ।