खेलकुद मन्त्री ‘अथक’ को अथक प्रयासले सुल्झियो क्यान र खेलाडीबिचको विवाद(भिडियो अन्तरवार्ता)

खेलकुद

- न्युज नेपाल

काठमाडौं । युवा तथा खेलकुद मन्त्री महेश्वरजंग गहतराज ‘अथक’को लामो कसरतले क्रिकेट खेलाडी र क्यानबिचको विवाद सुल्झिएको छ ।

मन्त्री अथकको अथकको रोहवरमा लगातारको छलफलबाट क्यान खेलाडीमाथीको कारबाहीको निर्णयबाट व्याक भएसंगै विवाद सुल्झिएको हो ।

मंगलबारको प्रशिक्षणमा नेपाली राष्ट्रिय टीमका पूर्वकप्तान ज्ञानेन्द्र मल्लसहित अन्य खेलाडीले पनि प्रशिक्षण स्थलमा सहभागि भएसंगै विवाद केही मत्थर भएको हो ।

नेपाल क्रिकेट संघ (क्यान) का पदाधिकारीहरुलाई मन्त्रालयमा बोलाएर मन्त्री अथकले कारबाहीको निर्णयमाथी पुनर्विचार गर्न पटक-पटक निर्देशनसमेत दिएका थिए ।

क्यान र खेलाडीबीच देखिएको समस्या समाधानकालागि उपर्युक्त विधि अपनाउनुपर्ने बताउँदै मन्त्री अथकले खेल क्षेत्रमै आफ्नो उर्जावान समय खर्चिएका खेलाडीहरुलाई गरीएको कारबाहीले गलत सन्देश प्रवाह भएको भन्दै चिन्ता समेत ब्यक्त गरेका थिए ।

मन्त्रीले आगमी दिनमा हुन गईरहेका राष्ट्रिय तथा अन्तराष्ट्रिय प्रतियोगितालाई समेत मध्यनजर गर्दै तत्काल देखिएका समस्या समाधान गर्न क्यानका अध्यक्ष चतुर बहादुर चन्द सहितका पदाधिकारीहरुलाई निर्देशन समेत दिएका थिए ।

यी समग्र विषयमा केन्द्रित रहेर युवा तथा खेलकुद मन्त्री महेश्वरजंग गहतराज ‘अथक’संग गरिएको भिडियो अन्तरवार्ताः

हेर्नुहोस् भिडियो अन्तरवार्ताः