महत्तोमाथि विकिपिडियामा लाग्यो हिन्दु धर्मलाई डलरमा बेच्ने र अनागरिकको ट्याग

गतिविधि

- न्युज नेपाल

काठमाडौं । `नेपालको हिन्दु धर्मलाई डलरमा बेचेर धर्म निरपेक्ष बनाउने दलाल मध्येको एक यिनी पनि हुन् । यिनिको नेपाली नागरिकता सम्बन्धी छानबिन गर्ने हो भने यीनी सिधै जेल जान्छन´ लोकातान्त्रिक समाजवादी पार्टीका नेता राजेन्द्र महत्तोबारे विकिपिडियामा भेटिएको तथ्य हो यो ।

नागरिकताको सवालमा महत्तोलाई धेरैले आशंका व्यक्त गर्ने गरेको बेला विकिपिडियाले देखाएको यो तथ्यले झन भ्रम सिर्जना गर्न मदत पुगेको छ ।

विकिपिडियामा स्वतन्त्र रुपमा तथ्यलाई सम्पादन गर्न सकिन्छ गर, यसरी गरिएका सम्पादनबारे तथ्य र इन्टरनेटमा उपलब्ध सामाग्रीका आधारमा विकिपिडिया प्रोफाइल बन्ने प्रक्रिया हुन्छ । तर, महत्तोलाई सर्लाही भगौडाको संज्ञा दिदै हिन्दु धर्मलाई डलरमा बेच्ने सम्मको गम्भीर आरोप लगाइएको छ ।

यस्तै उनीमाथि सधै तेर्सिने प्रश्न नागरिकताबारे समेत गम्भीर विषय उल्लेख गरेर विकिपिडिया प्रोफाइल देखाएको पाइएको छ । यो विषया महत्तो जानकार नभएर हो या थाहा भएर पनि वास्ता नगरेका हुन त्यो भने रहस्यको गर्भमै छ ।