जसपा एमालेसँग चुनावी तालमेलको तयारी

गतिविधि

- न्युज नेपाल

काठमाडाैं । दोहोरो संवादमा रहेको जनता समाजवादी पार्टी (जसपा)ले नेकपा एमालेसँग चुनावी तालमेल गर्ने सहमति नजिक पुगेको बताएको छ।

जसपा उच्च स्रोतका अनुसार गठबन्धनले सिट बाँडफाँटमा सहमति खोज्नुको साटो अन्यायपूर्ण व्यवहार भएको भन्दै एमालेसँग छलफल सुरु गरेको थियो । त्यसपछि जसपा अध्यक्ष उपेन्द्र यादव एमाले अध्यक्ष केपी शर्मा ओलीसँग छलफल गर्न पुगेका थिए । उनीहरुबीच मोटामोटी सहमति भइसकेको स्रोतको दाबी छ । सहमतिको खाका तयार भइसकेपनि उनीहरुबीच औपचारिक सहमति भने नजुटेको जनाइएको छ ।

यादव बिहीबार गठबन्धनको बैठकमा केही समय मात्र सहभागी भएर एमालेसँग कुराकानी गर्न हिँडेका थिए। यादव बालुवाटारबाट बाहिरिएपछि बिहीबारको बैठकले कुनै निष्कर्ष निकालेको थिएन । जसपाका नेताहरू भने जसले धेरै सिट दिन्छ त्यतै सहमति हुने बताइरहेका छन् ।

यता सिट बाँडफाँटका लागि सत्ता गठबन्धनले गठन गरेको कार्यदलमा सदस्य रहेका रकम चेम्जोङले अहिले दिने भनिएको सिटमा ६ सिट थप्नुपर्ने बताएका छन् । जसपाले आफूहरूलाई १८ देखि २० सिटसम्म चाहिने माग गरेको छ ।

Comments

प्रकाशित मिति : 2022-10-07

जसपा एमालेसँग चुनावी तालमेलको तयारी

Comments

अरु समाचार