टी-२० सिरिजः पहिलो खेलमा मलेसियासँग नेपाली महिला टोली पराजित

खेलकुद

- न्युज नेपाल

काठमाडाैँ । मलेसियाविरुद्धको ५ खेलको टी-२० सिरिजको पहिलो खेलमा नेपाल ५ विकेटले पराजित भएको छ।

सोमबार भएको सिरिजको पहिलो खेलमा नेपाली महिला टीमले टस हारेर पहिले ब्याटिङ गर्दै ५० रनमात्र बनाउन सकेको थियो। जवाफमा उक्त लक्ष्य मलेसियाले १३.३ ओभरमा ५ विकेट गुमाएर पूरा गर्दै सिरिजमा १-० को अग्रता बनाएको हो।

५० रनको सामान्य लक्ष्य पछ्याएको मलेसियाका लागि एइना हमिजाले १२ रनको अविजित इनिङ खेल्दा वान जुलिययाले १३ रन बनाइन्। त्यस्तै, एन नवा ८ रनमा अविजित रहँदा छोटो लक्ष्य सहज रूपमा पूरा गर्न मलेसियाका ब्याटर सफल भए।

नेपालका लागि सिता राना मगर र रुविना क्षेत्रीले समान २-२ विकेट लिएका थिए।

त्यसअघि घरेलु टोली विरुद्ध निकै खराब ब्याटिङ गरेको नेपालका लागि कुनै पनि खेलाडीले गतिलो इनिङ खेल्न सकेनन्। नेपाली ब्याटर १६.५ ओभरमा अलआउट हुँदै ५० रनमा समेटिएको थिए।

नेपालका लागि सम्झना कुमारी खड्काले १३ रन बनाउनु सर्वाधिक रह्यो। उनीबाहेक ज्योति पाण्डेको ११ रन थप दोहोरो स्कोरका रूपमा रह्यो। नेपालले अतिरिक्त रनका रुपमा ११ रन प्रताप्त गरेको थियो।

नेपाललाई सस्तैमा समेट्ने क्रममा मलेसियाका लागि निक नुरले ३ विकेट लिँदा एना हमिजा र ऐसा एलेसा र महिराज इस्मालिले समान २-२ विकेट लिएका थिए।