युरोपियन क्लबमा साबित्रा भण्डारीले गरिन् डेब्यू खेलमै गोल

खेलकुद

१ भदौ, काठमाडौं । नेपाली राष्ट्रिय फुटबल टिमका फरवार्ड सावित्रा भन्डारी (साम्बा)ले इजरायलको क्लब हापोएल रानानामा डेब्यू गरेकी छिन्। लामो समय देखि नेपाली राष्ट्रिय महिला फुटबल टिममा छुट्टै पहिचान बनाई सकेकि साम्बाले डेब्यू खेलमै गोल समेत गर्न सफल भएकि छन् ।

अनेथा कप अन्तर्गत बिहीबार हादेराविरुद्ध खेलमा साम्बाले क्लबका लागि डेब्यू गरेकी हुन्।

खेलमा अदी गोल्डेन र साम्बाले एक एक गोल गर्दा रानानाले २–० गोल अन्तरले होपोएल ले हादेराविरुद्ध जित निकाल्न सफल भएको हो। यससँगै साम्बा युरोपियन क्लबमा गोल गर्ने पहिलो नेपाली महिला खेलाडी समेत बनेकी छिन्।

इजरायलको महिला लिग भने अगस्ट ३१ बाट सुरू हुँदैछ। आठ टिमबीच प्रतिस्पर्धा हुने लिगमा साम्बाको टिम रानानाले अगस्ट ३१ मा इरोनी रामतसँग खेल्नेछ।

घरेलु लिगमा एपिएफबाट खेल्ने साम्बा यसअघि गोकुलम केरेलाबाट भारतीय महिला लिग खेली सकेकी छन् ।

दक्षिण एसियाकै उत्कृष्ट स्ट्राइकरमध्ये एक मानिने साम्बा उक्त लिगमा २९ गोल गर्दै सर्वाधिक गोलकर्ता मात्र बनिनन्, उनी आवद्ध गोकुलमले लिग नै जितेको थियो।

साम्बा गत जेठ अन्तिम साता युरोपियन महासंघमा आबद्ध भएर फुटबल खेल्ने इजरायलको शीर्ष डिभिजनको क्लब रानानामा आबद्ध भएकी थिइन्।