रास्वपा संसदीय दलको निर्णयः क्षमताले भ्याउने सबै समितिका सभापतिको उम्मेद्वारी दिने

गतिविधि

काठमाडौं ।रास्वपाले संसदिय समितिका आफ्नो क्षमताले भ्याउने सबै समितिमा सभापतिको उमेरदवारी दिने निर्णय गरेको छ। प्रतिपक्ष दल राष्ट्रिय स्वतन्त्र पार्टीको संसदीय दलको बैठकले आफ्नो क्षमताले भ्याउने सबै विषयगत समितिको सभापतिमा उम्मेदवारी दिने निर्णय गरेको हो ।

शु्क्रबार सिंहदरबारमा बसेको पार्टीको संसदिय दलको बैठकल पछि सञ्चारकर्मीहरुसँग कुरा गर्दै पार्टीका प्रमुख सचेतक सन्तोष परियारले ११ गते हुने संसदीय समितिको सभापतिका लागि क्षमताले पुग्ने समितिमा नेतृत्वका लागि उम्मेदवारी दिने र क्षमता नपुग्ने समितिका लागि आन्तरिक छलफल गर्ने बताए ।

समिति सभापतिमा उम्मेदवारी दिनका लागि उम्मेदवारसहित प्रस्तावक र समर्थक गरी तीन जना अनिवार्य चाहिने भएकाले आफ्नो क्षमताले भ्याउने समितिहरु सबै समितिमा सभापतिका लागि उम्मेदवारी दिने निर्णय गरेको हो ।

‘११ गते हुने संसदीय विषयगत समितिका सभापतिहरुको निर्वाचन, हामीले यो अधिवेशनमा प्रस्ताव गरेका संकल्प र सार्वजनिक महत्वका विषयहरु र आगामी संसदमा राष्ट्रिय स्वतन्त्र पार्टीले खेल्नुपर्ने भूमिका विषय थियो, उनले भने, ‘सभापतिको विषयमा पार्टीले जहाँ आफ्नो क्षमताले भ्याउँछ, त्यहाँ हामीले उम्मेदवारी दिने,अन्य समितिमा एक खालको आन्तरिक छलफल गर्नेछौं’,सचेतक परियारले बतए ।