मुलुकको शासकीय सुधारका लागि निर्वाचन कानुनको सुधार अपरिहार्य छः प्रमुख निर्वाचन आयुक्त थपलिया

निर्वाचन व्यवस्थापन विधेयक पारितका लागि प्रमुख निर्वाचन आयुक्त थपलियाको आग्रह

समाचार

- न्युज नेपाल

काठमाडौँ । नेपाल सरकार समक्ष पेस गरिएको निर्वाचन व्यवस्थापन विधेयकको मस्यौदामा आम बहस गरी छिटो सदनबाट पारित गराउन प्रमुख निर्वाचन आयुक्त दिनेशकुमार थपलियाले आग्रह गरेका छन् ।

निर्वाचन आयोग र नेपाल कानुन समाजले सोमबार सञ्चारकर्मीसँग गरेको छलफलमा उनले मुलुकको शासकीय सुधारका लागि निर्वाचन कानुनको सुधार अपरिहार्य भएको बताए ।

गत वर्ष भएका विभिन्न निर्वाचनको समीक्षा र प्राप्त सुझावलाई ध्यान दिई आयोगले एकीकृत निर्वाचन कानुनको विधेयक गत असार १८ गते निर्णय गरी गृह मन्त्रालयसमक्ष पेस गरेको थियोे ।

कानुन न्याय तथा संसदीय व्यवस्था मन्त्रालयका पूर्वसचिव माधव पौडेलले उक्त विधेयक पारित भएमा व्यापक सुधार हुने उल्लेख गर्दै निर्वाचनको सवालमा नैतिक मूल्य मान्यतालाई पनि राजनीतिक दलले आत्मसात गर्नुपर्ने बताए । उक्त विधेयक तर्जुमा गर्नु २०७८ पुस १४ गते नेपाल सरकारबाट सैद्धान्तिक सहमति प्राप्त भएको थियो ।

Comments

प्रकाशित मिति : 2023-08-28

मुलुकको शासकीय सुधारका लागि निर्वाचन कानुनको सुधार अपरिहार्य छः प्रमुख निर्वाचन आयुक्त थपलिया

Comments

अरु समाचार