प्रधानमन्त्री देशबाहिर रहेका बेला गुप्तचर प्रमुख भेट्न दिल्ली जाँदै थापा

गतिविधि

- न्युज नेपाल

काठमाडौं । प्रधानमन्त्री देश बाहीर भएको बेला गुप्तचर विभाग प्रमुखले पनि देश छाड्ने तयारी गरेका छन् । राष्ट्रिय अनुसन्धान विभागका प्रमुख हुतराज थापा बुधबार काठमाडौंबाट नयाँ दिल्ली जाने भएका हुन् । कोरिया पुगेर आएका थापालाई ‘रअ’ का प्रमुख रवि सिंहले बोलाएपछि त्यता जान लागेका हुन् । उनी आफ्ना सहयोगीको साथमा भारत जान लागेको विभाग स्रोतले जनाएको छ । उहाँ बुधबार भारत जाने कार्यक्रम रहेको छ , विभागका एक अधिकारीले भने । उनका अनुसार थापा भारतीय गुप्तचर निकाय ‘रअ’का प्रमुखलाई भेट्न जान लागेका हुन् ।

भदौ ११ गते कोरिया उडेका उनले यो वर्ष विभागको वार्षिक उत्सव समेत नमनाएको समाचार छ । भारत १२ गते विभागको वार्षिक उत्सव थियो । तर उनी अघिल्लो दिन कोरीया उडेका थिए । उनी अहिले भारत जाने तयारीमा छन् । कोरिया जानुअघि उनले नेपालमााा पाँच सदस्यीय कोरीयन टोलीलाई बैशाख १ गते नेपालमा स्वगत गरेको थियो । तर यो विषयलाई गुपचुप राखिएको थियो ।

कोरियन गुप्तचर टोलीले त्यतिबेला उनलाई मात्र भेटेको थिएन,प्रधानमन्त्री पुष्पकमल दाहाल र शेरबहादुर देउवालाई पनि भेटेर गएको थियो । यो विषय अहिले सम्म गोप्य नै रहेछ । कोरियाबाट नेशनल इन्टेृिलजेन्स सर्भिसका एसिया प्यासिफक चिफ किम हाओन नेपाल आएका थिए ।

माओवादि कोटामा गुप्तचर प्रमुख नियुक्त भएका थापा लामो समय विदश जाने प्रमुखकर्मचारीमध्ये एक हुन् । गुप्तचर विभागमा रहेका कर्मचारीहरु यसरी लामो समयसम्म विदेश भ्रमण गर्नुलाई निको मानिदैन । मुलुकका विभिन्न भागमा रहेका ३००० जनशक्तिमध्ये आधा काठमाडौंमा खटिएको र उनीहरु राजनीतिक प्राकृतिका सूचना सङ्कलन केन्द्रित रहेको कारण अन्य सूचना संकलनमा कमजोर हँदै आएका छन् ।

विभागले आन्तरिक गुप्तचरी मात्रै गर्ने गर्छ । नेपालको छुट्टै बाह्य गुप्तचर निकाय छैन् । प्रधानमन्त्रि कार्यालय मातहत रहेको विभागलाई नेपालमा विदेशी चलखेलको नियन्त्रण र सीमा सुरक्षाजस्ता विषयमा गुप्तचरी सूचना संकलनमा अझ प्रभावकारी ढंगले अगाडी बढाउनुपर्ने प्रमुख नै विदेश भ्रमणमा दौडिरहेका हुन्छन् ।