धादिङ एमालेमा भूमि त्रिपाठीको प्यानल विजयी, अन्य पदाधिकारीमा को-को जिते ? (सूचीसहित)

समाचार

- न्युज नेपाल

काठमाडाैँ । काठमाडौं । नेकपा एमाले धादिङको अध्यक्षमा भूमि त्रिपाठी निर्वाचित भएका छन् ।

मत गणनाको अन्तिम परिणामअनुसार त्रिपाठीले ३०९ मत पाएर जितेका छन् । प्रतिद्वन्द्वी डा. रामकुमार अधिकारीले २३८ मत पाएका छन् ।

केहीबेर अघि सम्पन्न मतदानको प्रारम्भिक अनुमानमा पनि त्रिपाठी नै दोहोरिने सम्भावना प्रबल थियो । दुई कार्यकाल उपाध्यक्ष रहिसकेका थाक्रे गाउँपालिकाका अध्यक्ष रामकुमार आचार्यले त्रिपाठीको समूहलाई धक्का दिनसक्ने केही प्रतिनिधिले बताएका थिए । अर्जुन गोर्खाली उपाध्यक्षमा आएका छन् । आचार्य एमाले अध्यक्ष केपी शर्मा ओलीको विगतमा पिए बसेका डा. रमेशका बुबा हुन् ।

गोर्खालीले ३१५ ल्याएका छन् । सचिव पदमा सबैभन्दा धेरै मतान्तर भएको बताइन्छ । दुई साताअघि आयोजित अधिवेशनको बन्द सत्रमा मतदानको प्रक्रिया प्रारम्भ अगावै दुई पक्षबीच भएको आरोप प्रत्यारोप र विवाद हात हालाहालको अवस्थामा पुगेपछि रोकिएको थियो । स्थगित अधिवेशन अस्तिदेखि थालिए पनि मतदान प्रक्रिया आज भएको हो । आज १५ वटा विद्युतीय मेशिनबाट मतदान गराइएको थियो ।

पुनः अधिवेशन सुचारु गर्नुअघि भएको सहमतिमा संगठन विभागले पहिलेको भन्दा १० जनाको विशेष कोटा थपिदिएको थियो । उक्त निर्णयपछि मात्रै विवादमा देखिएको अर्को पक्ष निर्वाचनमा सहभागी हुन तयार भएको हो ।

धादिङ एमालेका पुराना नेताहरु मीनराज कँडेल, देवप्रसाद त्रिपाठी, खेम पाठकहरु भूमिको पक्षमा खुलेर लागेका थिए । खेम लोहनी र जानुका सिंखडाहरु भने आचार्यको पक्षमा देखिए ।