विश्वकप छनोट अन्तर्गत नेपाल र युएईबीचको खेल साउदी अरेबियामा हुने

खेलकुद

काठमाडौं । फिफा विश्वकप २०२६ र एएफसी एसियन कप २०२७ को संयुक्त छनोट अन्तर्गत नेपाल र युएईबीचको खेल साउदी अरेबियामा हुने भएको छ ।

खेल आगामी जुन ६ (जेठ २४ गते) साउदी अरेबीयामा हुने भएको हो । समूह एचमा रहेको नेपाल र युएईबीचको खेल नेपालको घरेलु मैदान दशरथ रंगशालमा हुने तय भए पनि एएफसीले दशरथ रंगशालमा विश्वकप छनोटको खेल खेलाउन लायक नभएको भन्दै खेल खेलाउने अनुमति दिएको थिएन । फलस्वरुप नेपालले आफ्नो घरेलु मैदानमा आफ्ना समर्थकहरुका बिच खेल्न पाउने खेल देशभन्दा बाहिर गएर खेल्नु परेको हो ।

नेपाल र युएई दुवै टिमले अहिले सम्म समान चार खेल खेलि सकेका छन् । चार खेलमध्ये सबैमा जित निकाल्न सफल युएई समुहको सिर्ष स्थानमा रहको छ भने नेपालले सबै खेल गुमाएर समुहको अन्तिममा रहेको छ । समूह बी मा नेपालले अहिलेसम्म खेलेको सबै चारवटै खेलमा हार बेहोरेको छ ।

अखिल नेपाल फुटबल संघ (एन्फा) ले सोमबार विज्ञप्ती जारी गर्दै नेपाल र युएईबीचको खेल साउदीको दम्ममानस्थित प्रिन्स मोहम्मद फाहद स्टेडियममा हुने जनाएको छ । खेल नेपाली समय अनुसार राती पौने १० बजे हुनेछ ।