प्रधानमन्त्री ओलीले आज प्रतिनिधि सभाको बैठकमा सम्बोधन गर्दै

Breaking News

काठमाडौं । प्रधानमन्त्री केपी ओलीले सोमबार प्रतिनिधि सभाको बैठकलाई सम्बोधन गर्दैछन्। संघीय संसद् भवनमा दिउँसो १ बजे बस्ने बैठकमा प्रधानमन्त्री ओलीले सम्बोधन गर्ने संघीय संसद सचिवालयको सम्भावित कार्यसूचीमा उल्लेख छ।

प्रधानमन्त्रीको सम्बोधनसहितका सम्भावित कार्यसूचीमाथि छलफल गर्न दिउँसो १२ः १५ मा सभामुख देवराज घिमिरेले कार्यव्यवस्था परामर्श समितिको बैठक बोलाएका छन्।

सम्बोधनकाक्रममा प्रधानमन्त्री ओलीले असोज ४ गतेदेखि गर्न लागेको अमेरिका भ्रमणको बारेमा सदनलाई जानकारी गराउनेछन्। ओली संयुक्त राष्ट्र संघको ७९ औं महासभामा भाग लिन अमेरिका जान लागेका हुन्।

माओवादीले संसदको अवरोधलाई निरन्तरता दिने बताइरहेकाले कसरी बैठक सञ्चालन हुन्छ भन्ने विषय भने टुंगो लागिसकेको छैन। आइतबार साँझ बसेको मन्त्रिपरिषद् बैठकले संघीय संसदको चालू बर्खे अधिवेशन सोमबार राति १२ बजेबाट अन्त्य गर्न राष्ट्रपति रामचन्द्र पौडेलसमक्ष सिफारिस गरिसकेको छ।