पाकिस्तानी फुटबल संघ फिफाको निलम्बनमा

खेलकुद

काठमाडौं । अन्तर्राष्ट्रिय फुटबलको सर्वोच्च निकाय (फिफा)ले तत्काल लागू हुने गरी पाकिस्तान फुटबल फेडेरेसन (पीएफएप) लाई निलम्बन गर्ने निर्णय गरेको छ ।

पीएफएको संशोधित विधान लागू गर्न असफल भएको कारणले गर्दा पीएफएफलाई तत्कालै लागू हुने गरी निलम्बन गर्ने निर्णय गरेको फिफाले जनाएको छ । पाकिस्तानको फुटबल सामान्य अवस्थामा नफर्केसम्म पीएफएफको निलम्बन कायम रहनेछ ।

फिफा र एएफसीले प्रस्तुत गरेको पीएफएफ विधानलाई पीएफएफको कंग्रेसले अनुमोदन गरेपछि मात्र निलम्बन हटाइने पनि फिफाले जनाएको छ ।

पाकिस्तान फुटबल निलम्बनमा परेको यो पहिलो पटक भने होइन । यसअघि फिफाले सन् २०२१ मा पनि पाकिस्तान फुटबल निलम्बन गरेको थियो । उक्त निलम्बन सन् २०२२ मा फुकुवा भएको थियो ।

निलम्बनपछि पाकिस्तान फुटबलले अन्तर्राष्ट्रिय खेलहरुमा पुनरागमन गरेको थियो तर त्यहाँको फुटबल अझै पनि सामान्य रुपमा अघि बढ्न नसकेपछि फिफाले पाकिस्तान फुटबललाई फेरि निलम्बन गरेको हो ।

यो लम्बनपछि पाकिस्तानले आगामी मार्चदेखी हुने एएफसी एसियन कप छनोटको तेस्रो चरणको खेल खेल्ने–नखेल्ने अनिश्चित बनेको छ । उक्त छनोटमा पाकिस्तान रहेको समूह ई मा सिरिया, अफगानिस्तान र म्यानमार छन् ।

Comments

प्रकाशित मिति : 2025-02-07

पाकिस्तानी फुटबल संघ फिफाको निलम्बनमा

Comments

अरु समाचार