प्रधानमन्त्रीको गैरजिम्मेवारपूर्ण टिप्पणी, १०–१५ हजारको जुलुस सामान्य

राजनीति

काठमाडौं । भोलि अर्थात चैत्र–१५ गते, काठमाडौंमा राजतन्त्रवादीहरु र गणतन्त्रवादीहरुले दुई फरक ठाउँमा प्रर्दशन गर्दैछन् ।

त्यही प्रर्दशनका विषयलाई लिएर प्रधानमन्त्री केपी शर्मा ओलीले गैरजिम्मेवारपूर्ण टिप्पणी गरेका छन् । उनले काठमाडौंमा हुने उक्त प्रर्दशनमा १०–१५ हजारको जुलुस सधैं निस्किन्छन्, भोलि पनि हुने त्यही हो भन्दै संवेदनशिल विषयमा प्रधानमन्त्रीस्तरबाट गैरजिम्मेवार पूर्ण टिप्पणी गरेका हुन् ।

आठौं अन्तर्राष्ट्रिय महिला उद्यमी व्यापार मेलालाई सम्बोधन गर्दै उनले के–के हुने भनेर त्रास फैलाइएको भन्दै त्यस्तो केही नहुने र तिललाई पहाड बनाउने काम भएको टिप्पणी गरेका छन्। त्यस्तै यस्ता प्रर्दशन सधै हुने भन्दै उनले वास्ता नगर्न भनेका छन् ।

त्यस्तै नेपाल विद्युत प्राधिकरणका कार्यकारी निर्देशक कुलमान घिसिङलाई बखास्त गर्ने निर्णयको अहिले सवत्र विरोध भईरहेको छ ।प्रधानमन्त्रीको यो टिप्पणीको अहिले सर्वत्र विरोध भइरहेको छ । सरकारप्रति चरम निराशा, भ्रष्ट्राचार, अनियमितता, बेरोजगारी, महंगी, कालोबजारीबाट प्रताडीत जनताको आक्रोसलाई सामान्य मनेर प्रधानमन्त्रीले गरेको यस्तो टिप्पणी गैरजिम्मेवारपूर्ण ठानिएको छ ।

त्यस्तै यहि मौकामा केही फाईदा उठाउँन सकिन्छ कि भनेर मौकामा चौका हान्न तायार बनेर बसेका राजतन्त्रवादी शक्तिहरु अहिले सलबलाउन थालेका छन्, भने भोलि काठमाडौंमा बृहत प्रर्दशन गर्ने भन्दै तम्सिएका छन् ।

यस्तो अवस्थामा जनतामा उत्साह जगाउने खालका काम गर्नुको साटो झनै उत्तेजित र आक्रोशित पार्ने प्रधानमन्त्रीको गैरजिम्मेवारपूर्ण टिप्पणीले आगोमा मट्टितेल थप्ने काम बाहेक केही नभएको टिप्पणी हुन थालेको छ ।

भोलि (चैत १५) समाजवादी मोर्चामा संलग्न दलहरूले काठमाडौंमा संघीय लोकतान्त्रिक गणतन्त्रको पक्षमा प्रदर्शन गर्दैछन् । त्यस्तै, राजावादी समूहले पनि काठमाडौंमै प्रदर्शन गर्ने कार्यक्रम तय गरेको छ ।