ताजा समाचार

स्कटल्यान्डमा हुने लिग-२ सिरिजको बन्द प्रशिक्षणमा ४८ खेलाडीहरु समावेश

खेलकुद
-
       

काठमाडौं । नेपाल क्रिकेट संघ (क्यान)ले स्कटल्यान्डमा आगामी जुनमा हुने आइसिसी विश्वकप क्रिकेट लिग–२ सिरिजका लागि पहिलो चरणको बन्द प्रशिक्षणमा ४८ खेलाडीलाई बोलाएको छ।

प्रारम्भिक टोलीमा रहेका ४८ खेलाडीलाई चार समूहमा विभाजन गरेर खेलहरू सञ्चालन गर्ने क्यानको भनाइ छ। ४८ खेलाडीमा शनिबार सकिएको प्रधानमन्त्री कपमा उत्कृष्ट प्रदर्शन गरेका युवा खेलाडीको बाहुल्यता छ।

चार समूहको उक्त खेलहरू नवनियुक्त प्रशिक्षक स्टुअर्ट लको प्रत्यक्ष निगरानीमा हुने क्यानको भनाइ छ। नेपालले जुनमा हुने सिरिजमा घरेलु स्कटल्यान्ड र नेदरल्यान्ड्ससँग त्रिकोणात्मक एकदिवसीय सिरिज खेल्नेछ।

नेपालले लिग–२ मा तीन सिरिजका १२ खेल खेल्दा केवल २ खेलमा जित निकालेको छ भने आठ टोलीमध्ये सातौं स्थानमा छ। आईसीसी लिग-२ नेपालका लागि एक महत्त्वपूर्ण प्रतियोगिता भएकाले तयारी क्याम्पलाई विशेष प्राथमिकता दिइएको क्यानले जनाएको छ।

Comments

प्रकाशित मिति : 2025-03-30

अरु समाचार

© NewsNepal 2018 - All Right Reserved.
newsnepal.com 2017.hlon.org