ताजा समाचार

रास्वापा सभापतिमा रवि लामिछानेको पुनरागमन

राजनीति
-
       

काठमाडौं । राष्ट्रिय स्वतन्त्र पार्टी (रास्वपा) सभापति रवि लामिछाने पार्टीको जिम्मेवारीमा फर्किने भएका छन् । भोलिबाट सुरु हुने केन्द्रीय समिति बैठकमा सभापति लामिछाने सहभागी हुने कार्यसूची तय भएको छ ।

सभापति लामिछानेलाई पार्टी कार्यालयमा भव्य स्वागत गर्ने तयारी गरिएको छ । ‘पहिलो बैठकमा कार्यवाहक सभापतिज्यूबाट धन्यवाद ज्ञापन र पार्टी सभापतिज्यूको सभापतित्वमा दोस्रो बैठक बस्ने गरी पहिलो बैठकको समापन हुनेछ,’ प्रवक्ता मनिष झाद्वारा जारी विज्ञप्तिमा भनिएको छ, ‘लगत्तै दोस्रो बैठक पार्टी सभापतिज्यूको सभापतित्वमा हुनेछ ।’

पुस ८ मा बसेको रास्वपा सचिवालय बैठकले अर्याललाई कार्यवाहक सभापतिको जिम्मेवारी दिएको थियो । सहकारीको रकम अपचलनको मुद्दामा २ कात्तिकमा पक्राउ परेपछि र अदालतबाट धरौटीमा रिहा भएपछि लामिछाने पार्टी क्रियाकलापमा सक्रिय भएका थिएनन् ।

Comments

प्रकाशित मिति : 2025-03-30

अरु समाचार

© NewsNepal 2018 - All Right Reserved.
newsnepal.com 2017.hlon.org