प्रहरीले दुर्गा प्रसाईंको गाडी भेट्यो तर उनलाई भेटेन

राजनीति

काठमाडौं । विवादित मेडिकल व्यावासायी तथा गत चैत १५ गते शुक्रबार काठमाडौंको तीनकुनेमा भएको राजावादी पक्षहरुको प्रर्दशनलाई हिंसात्मक र उत्तेजक बनाउन मुख्य भूमिका निर्वाह गरेको आरोप लागेका दुर्गा प्रसाई चढेर भाग्न प्रयोग गरेको गाडी प्रहरीले नियन्त्रणमा लिएको छ ।

प्रहरीले इटहरीबाट बिएबी ४२०८ नम्बरको एसयुभी गाडी इटहरीमा गाडी फेला परेसँगै नियन्त्रणमा लिएको हो । प्रसाईंले उक्त गाडी प्रयोग गरेर भारततर्फ गएको प्रहरीले आशंका गरेको छ ।

गाडीमा चढ्नुअघि प्रसाईं सटरभित्र लुकेको र पछि उनका सहयोगीहरूले गाडीमा पु¥याइदिएका भिडिओहरू पनि सामाजिक सञ्जालमा सार्वजनिक भएका थिए । प्रसाईं तीनकुनेबाट भागेर पहिले आफूलाई धर्मगुरू भन्ने पुष्कर खतिवडाको इमाडोलस्थित घरमा पुगेका थिए।

त्यहाँ फलफूल खाएर, त्यही गाडी चढेर प्रसाईं काठमाडौं उपत्यका बाहिर निस्किएका प्रसाईंलाई अहिलेसम्म प्रहरीले फेला पार्न सकेको छैन् । उनाई प्रहरीले विशेष प्राथमिकताका साथ खोजि गरिरहेको छ ।