ताजा समाचार

काश्मिर आतंकवादी हमलामा मारिएका नेपाली को हुन् ?

Breaking News
-
       

काठमाडौं । भारतको जम्मू–कश्मिरमा आतंकवादी हमलामा मारिएकामध्ये एक नेपाली बुटवल १४ बेलबरियाका सुदीप न्यौपाने भएको खुलेको छ । उनी ४ दिनअघि शनिबारमात्र आमा, बहिनी र ज्वाइँलाई लिएर घुम्न गएको पारिवारिक स्रोतले बताएको छ ।

आतंकवादी आक्रमणबाट उनको मृत्यु भएको पुष्टि भएको उनका काका दधिराम न्यौपानेले बताएका छन् । सुदीप परिवारका एक्ला छोरा हुन् । उनी धरानमा पब्लिक हेल्थ पढ्दै थिए ।

गत शनिबार आमा रिमा पाण्डे, बहिनी सुष्मा र ज्वाइँ उज्ज्वल काफ्लेसहित कश्मिर गएका सुदीपमाथि बन्दूकधारीहरूले अचानक आक्रमण गरेको वडाअध्यक्ष न्यौपानेले बताए । सुदीपको शव बुधबार नेपाल ल्याउने तयारी गरिएको छ ।

जम्मु–कश्मीरमा मंगलबार भएको आक्रमणमा यूएईका नेपालका सुदीपसहित एक पर्यटक, २ जना स्थानीय र बाँकी भारतकै गुजरात, महाराष्ट्र, कर्नाटक, तमिलनाडु र ओडिशाका नागरिकको ज्यान गएको हो । घटनामा २० जनाभन्दा बढी घाइते भएका छन् ।

Comments

प्रकाशित मिति : 2025-04-23

अरु समाचार

© NewsNepal 2018 - All Right Reserved.
newsnepal.com 2017.hlon.org