प्रधानमन्त्री ओली र भारतीय समकक्षी मोदी बिच टेलिफोन संवाद

Breaking News

काठमाडौं । प्रधानमन्त्री केपी शर्मा ओली र भारतीय प्रधानमन्त्री नरेन्द्रमोदी बिच टेलिफोन संवाद भएको छ । भारतको जम्मु कश्मीरमा भएको आतंकवादी हमलापछि दुईदेशका प्रधानमन्त्री बिच टेलिफोन संवाद भएको हो ।

छलफलका क्रममा प्रधानमन्त्री केपी शर्मा ओलीले आतंकवादी हमलामा ज्यान गुमाएका प्रति समवेदना प्रकट गर्दै यस्ता जघन्य घटनाविरुद्ध नेपालको ऐक्यबद्धता व्यक्त गरेका छन् ।

भारतीय सञ्चारमाध्यमका अनुसार ‘द रेसिस्टेन्ट फ्रन्ट’ नामक समूहले हमलाको जिम्मेवारी लिएको छ । यो हमला पछिल्ला वर्षहरूमा नागरिकमाथिको सबैभन्दा ठूलो आक्रमण मानिएको छ ।

प्रधानमन्त्री मोदी साउदी अरबको भ्रमण बीच भारत फर्किएर आक्रमणलाई आतंकवादी हमला भनेका छन् र दोषीलाई कारबाहीको चेतावनी दिएका छन् । हमलापछि दिल्ली, मुम्बईसहित भारतभर उच्च सतर्कता अपनाइएको छ ।

उक्त हमलामा एक नेपाली नागरिक सहित २० जना निर्दोश पर्यटकहरुको विभत्स मृत्यु भएको थियो । भने विसौं जना घाईते भएको सञ्चार माध्यमहरुले बताएका छन् ।