ताजा समाचार

भारतका २४ वटा विमानस्थलमा उडान स्थगित

breaking news
-
       

नयाँ दिल्ली । भारतको उत्तरी क्षेत्रका २४ वटा विमानस्थलमा उडानहरू तत्काललाई रोकिएको छ । ती विमानस्थल छिमेकी पाकिस्तानसँगको पश्चिमी सीमा नजिकका जोधपुर, लुधियाना र अमृतसरलगायत शहरमा रहेका छन् । एअर इन्डिया, इन्डिगो र स्पाइसजेट जस्ता भारतका केही ठूला एअरलाइन्सले यसअघि बुधवारदेखि नै उडान रद्द गरिसकेका छन् ।

भारतीय एअरलाइन्सहरूले अन्य विमानस्थलबाट उड्ने यात्रुहरूलाई पनि सुरक्षाका उपायहरू थप बढाउने र प्रस्थानभन्दा कम्तीमा तीन घण्टा अगाडि नै आइपुग्न अनुरोध गर्दै सल्लाह जारी गरेका छन् ।

जम्मू–कश्मीर क्षेत्रमा गएराति पनि गोलाबारी भएको छ । बीबीसीका अनुसार कुपवाडा, करनाह, तंगधार, उरी र पुंछमा गोलाबारीको आवाज सुनिएको हो ।

भारतले बुधवार ‘आतङ्कवादी शिविरहरू’ लाई लक्षित गर्दै हवाई आक्रमण शुरू गरेपछि भारत र पाकिस्तानबीच तनाव चर्किएको हो । पहलगाममा गएको वैशाख ९ मा भएको आतङ्कवादी आक्रमणमा २६ जनाको ज्यान गएको थियो ।

Comments

प्रकाशित मिति : 2025-05-10

अरु समाचार

© NewsNepal 2018 - All Right Reserved.
newsnepal.com 2017.hlon.org