ताजा समाचार

‘गृहमन्त्रीले राजिनामा दिन ढिला गर्नु हुँदैन्,राज्यको शाख गुम्छ’: माओवादी केन्द्र

राजनीति
- न्यूज नेपाल
       

काठमाडौं । प्रमुख प्रतिपक्ष दल माओवादी केन्द्रले भिजिट भिषा प्रकरणमा मुछिएका गृहमन्त्री रमेश लेखकले राजिनामा दिन ढिला गर्न नहुने बताएको छ ।

आज बसेको पदाधिकारी बैठकले भिजिट भिषा प्रकरणमा गृहमन्त्री लेखकले राजीनामा दिनु पर्ने माओवादीले निष्कर्ष निकाल्दै राजिनामा दिन ढिला गर्न नहुने  निकालेको हो ।

बैठकमा पछि माओवादी प्रवक्ता अग्ति सापकोटाले भने, ‘हाम्रो पार्टीको आज बसेको बैठकले पनि के निष्कर्ष निकालेको छ भने गृह मन्त्री रमेश लेखकले राजीनामा दिएर छानबिनमा सहयोग गर्नुपर्छ। गृहमन्त्रीले राजिनामा दिन ढिला गर्नु हुँदैन्, जति ढिला भयो उति राज्यको शाख गुम्छ ।

भिजिट भिसामा विदेश पठाउनेहरुसँग रकम असुली गरेको आरोपमा अध्यागमनका प्रमुख तीर्थराज भट्टराई पक्राउ परेका थिए । उनले उक्त पैसा गृहमन्त्रीसमेतलाई बुझाउने गरेको बयान दिएपछि अहिले रमेश लेखकको चौतर्फ आलोचना भइरहेको छ ।

Comments

प्रकाशित मिति : 2025-05-26

अरु समाचार

© NewsNepal 2018 - All Right Reserved.
newsnepal.com 2017.hlon.org