ताजा समाचार

ताप्लेजुङमा पहिरोले घर पुरिँदा चार जना घाइते

कोशी प्रदेश
- NEWS NEPAL
       

काठमाडौं। ताप्लेजुङको सिदिङ्वा गाउँपालिका–३ मा गए राति पहिरोले घर पुरिँदा चार जना घाइते भएका छन् ।

गएराती गएको पहिरोले स्थानीय हस्तबहादुर कटुवालको घर पुरिँदा उनीसहित श्रीमती ठगमाया, छोरा जगत् र छोरी सम्झना घाइते भएको स्थानीयले जानकारी दिएका छन् ।

घरमाथिको कुलो थुनिएर पहिरो खस्दा घर पुरिएको हो । कटुवाल परिवारलाई छिमेकीले उद्धार गरेका थिए ।

घाइतेमध्ये तीन जनाको अवस्था गम्भीर छ । उनीहरूलाई उपचारका लागि पाँचथर लैजाने तयारी भइरहेको प्रहरीको भनाई छ ।

Comments

प्रकाशित मिति : 2025-07-02

अरु समाचार

© NewsNepal 2018 - All Right Reserved.
newsnepal.com 2017.hlon.org