ताजा समाचार

एएफसी एसियन कप छनोट : श्रीलङ्काको सामना गर्दै नेपाल

खेलकुद
- NEWS NEPAL
       

काठमाडौं । उज्बेकिस्तानमा जारी एएफसी एसियन कप छनोट अन्तर्गत नेपालले आज श्रीलंकासँग खेल्दैछ।

पहिलो खेलमा लाओसलाई ९–० ले हराएको नेपालले दोस्रो खेलमा पनि उत्कृष्ट प्रदर्शन गर्न चाहन्छ। नेपाल र उज्बेकिस्तानको खेल समूह चरणको अन्तिम खेल हो। पहिलो खेलमा नेपालका लागि स्ट्राइकर सावित्रा भण्डारी साम्बाले ह्याट्रिक सहित ४ गोल गरिन्।

फिफा वरियतामा नेपाल १०० औं स्थानमा छ भने श्रीलङ्का १५९ औँ स्थानमा रहेको छ। फिफा वरियतामा ५१ औं स्थानमा रहेको उज्बेकिस्तान समूह एफको सबैभन्दा बलियो प्रतिस्पर्धी हो। पहिलो खेलमा उज्बेकिस्तानले श्रीलंकामाथि १०–० को जित दर्ता गरेको थियो।

समूह एफको शीर्षस्थानमा रहने टिमले आगामी वर्ष अस्ट्रेलियामा हुने एसियन कपमा स्थान बनाउनेछ। नेपालले सन् १९९९ यता एसियन कपमा स्थान बनाउन सकेको छैन।

नेपाल र श्रीलंकाबिचको खेल तास्केन्तस्थित बुनयोदकोर स्टेडियममा नेपाली समयअनुसार साँझ ६ः१५ मा हुनेछ।

Comments

प्रकाशित मिति : 2025-07-02

अरु समाचार

© NewsNepal 2018 - All Right Reserved.
newsnepal.com 2017.hlon.org