‘मलाई स्पष्टीकरण सोधेको भन्ने कुरा कपोलकल्पित, हावा हो’ : झाक्री

राजनीति

- न्यूज नेपाल

काठमाडौं । आफ्नै पार्टीका अध्यक्षलाई कुहिएको सिनोसँग तुलना गर्दै खरो प्रतिक्रिया दिएकी नेकपा एस की स्थायी नेतृ रामकुमारी झाक्रीले आफूलाई स्पष्टीकरण सोधेको भन्ने कुरा निराधार, कपोलकल्पित, हावा भएको टिप्पणी गरेकी छन्।

आज पक्रकारहरुसँग प्रतिक्रिया दिँदै झाक्रिले यस्तो प्रतिक्रिया दिएकी हुन् । उनले बुटवलमा पार्टीसम्बद्ध युवा संघको प्रशिक्षण कार्यक्रममा अध्यक्ष माधवकुमार नेपाल लक्षित ‘सिनो काँधमा बोकेर हिँड्न सकिँदैन, अध्यक्ष फेरौ’ भन्ने अभिव्यक्ति दिएकी थिइन्।

सोही कारणलाई देखाउँदै झाक्रीलाई पार्टीले स्पष्टीकरण सोधिए सोधेको थियो । आज उनले पार्टी बैठकमै आफ्नो कुरा राख्न समय मागेकी थिइन् । त्यसैका लागि पार्टी सचिवालय बैठक पुगेकी झाक्रीले आफूले स्पष्टीकरणको पत्र नपाएको र सोध्दा पनि नसोधेको दाबी गरेकी हुन्।

‘उनले भनिन्, मलाई स्पष्टीकरण सोधेको भनेको निराधार, कपोलकल्पित, हावा कुरा हो । मलाई स्पष्टीकरण सोधिएको छैन, सोध्ने निकाय पनि थाहा छैन्। कुन तहको बैठकको निर्णयले दिनुभएको हो थाहा छैन। खाली दुई–तीन जना मानिसहरूले टिभीमा गएर स्पष्टीकरण सोधियो, लियो भन्नेकुरा गर्नुभएको छ,’ बिहीबार दिउँसो पार्टी कार्यालय आलोकनगरमा पत्रकारहरूसँग कुरा गर्दै उनले भनिन्।