पती वियाेगकाे पीडामा पत्नीकाे पाँच दिनमै मृत्यु !

कोशी प्रदेश

- न्यूज नेपाल

काठमाडाैं । वैदेशीक राेजगारीका क्रममा कुवेतमा रहेका पतिको निधनको खबर सुनेपछि धनकुटामा एक महिलाले पनि निधन भएको छ।

धनकुटाकाे महालक्ष्मी नगरपालिका-१ कटहरेका ४३ वर्षीय डम्बर मगरको निधनको खबर सुनेपछि उनकी पत्नी विद्याको पनि निधन भएको हो ।

कुवेतमा डम्बरबहादुरको अचानक निधन भएको खबर आएकाे पाँच दिनपछि विद्याको पनि निधन भएको छ।

मृतक मगरकाे घरमा पत्नी, २, १६ र १७ वर्षीया तीन छोरी पनि थिए । आमा र बुवाको पाँच दिनको फरकमा निधनपछि तीन छोरी १७ वर्षीय विपना, १६ वर्षीय सञ्जु र २ वर्षीय संयुक्ताको विचल्ली भएको छ।

दुवै जनाको निधनका कारण गाउँ नै शोकमग्न भएको वडाध्यक्ष टेकबहादुर गुरूङले बताएका छन् । ‘श्रीमानको मृत्युको खबर सुनेपछि श्रीमतीको पनि दुखद निधन भयो,’ उनले भने, ‘पति वियोगको पीडामा रहेकी पत्नीको पनि मृत्यु भएपछि छोरीहरूको बिचल्ली भएको छ।’

अचानक आमाबाबु गुमाएका छोरीहरूको पठनपाठनसहित दैनिक जीवन सहज बनाउन पहल भइरहेको वडाध्यक्ष गुरुङले बताए ।