ताजा समाचार

सिके रिसर्चकाे “अन्तर्राष्ट्रिय हरियाली अभियान २०२५” को ब्यानर सगरमाथा देखि संयुक्त राष्ट्रसंघको कार्यालयसम्म !

काठमाडौं । सिके रिसर्च एन्ड ग्रीनरी प्रोमोशन प्रा.लि.काठमाडौंले सञ्चालन गरेको “अन्तर्राष्ट्रिय हरियाली अभियान २०२५” को ब्यानर मे १९, २०२५ का दिन विश्वको सर्वोच्च शिखर सगरमाथाको चुचुरोमा पुयाइएको छ। सो ब्यानरलाई अन्तर्राष्ट्रिय पथप्रदर्शक ज्याम्च्याङ भोटेले शिखरमा पुयाएका हुन्।

यो अभियान नेपालमा मात्रै सीमित नभएर विश्वका विभिन्न मुलुकहरूमा समेत विस्तार भइरहेको कम्पनीले जनाएको छ। सोही क्रममा हालै अमेरिकास्थित संयुक्त राष्ट्रसंघ (यूएन)को कार्यालय अगाडि समेत अभियानको ब्यानर प्रदर्शन गरिएको छ।

अमेरिकामा गरिएको उक्त कार्यक्रममा वरिष्ठ पर्यटन व्यवसायी पिम्बा जेबा भोटे तथा नौ पटकभन्दा बढी सगरमाथा आरोहण सफल पारिसकेका ज्याम्च्याङ भोटेले अभियानको ब्यानर प्रदर्शन गरेका थिए। सो ब्यानरमा “Grow Greenery, Save the Earth” भन्ने सन्देश उल्लेख गरिएको छ।

सिके रिसर्च एन्ड ग्रीनरी प्रोमोशन प्रा.लि.का अध्यक्ष छिन्डुम मेनक्पा भोटेले यो अभियानलाई अन्तर्राष्ट्रिय स्तरमा पहिलोपटक औपचारिक रूपमा अघि सारिएको दाबी गरेका छन्। उनका अनुसार हालसम्म विश्वमै यस किसिमको हरियाली सम्बन्धी अभियान पहिलोपटक सञ्चालन गरिएको हो।

Comments

अरु समाचार

© NewsNepal 2018 - All Right Reserved.
newsnepal.com 2017.hlon.org