आसामसँगको टी-२० शृंखला नेपाल ‘ए’ले ३-२ले कब्जा गर्याे !

खेलकुद

- न्यूज नेपाल

काठमाडौं । भारतको गुहाटी भ्रमणमा रहेको नेपाल ‘ए’ क्रिकेट टोलीले आसाम स्टेट टोलीविरुद्धको टि-२० सिरिज जितेको छ ।

पाँच खेलको सिरिजअन्तर्गत आज भएको अन्तिम तथा निर्णायक खेलमा आसामलाई ४४ रनले हराउँदै नेपालले सिरिजमा ३-२ को कब्जा जमाएको हो ।

जितका लागि २०८ रनको लक्ष्य पछ्याएको आसाम निर्धारित २० ओभरमा ९ विकेट गुमाउँदै १६४ रनमै समेटियो ।

श्रृंखलाको पहिलो खेलमा १५ रनको हार बेहोरेको नेपालले दोस्रो र तेस्रो खेलमा क्रमशः ९६ रन र ९ रनको जित निकालेको थियो । तर आइतबार चौथो खेलमा चुक्दा आज उत्कृष्ट पुनरागमन गरेर सिरिज जितेकाे हाे ।

आजकाे खेलमा आसामका लागि भार्गव लहकरले सर्वाधिक अविजित २९ तथा साहिल जेन र कप्तान सुमित घडिअन्करले समान २५ रन बनाए भने सौरभ दिहिगाले १७ रन बनाए ।

नेपालका लागि शेर मल्ल, आकाश चन्द र पवन सर्राफले २-२ तथा बसिर अहमदले १ विकेट लिए । त्यस्तै, नेपालका लागि सन्दीप जोराले सर्वाधिक ६४ रन बनाएर टाेलीलाइ मजबुत स्थितिमा पुर्याएउनमा उनले ‍३९ बलमा उनले २ चौका र ५ छक्का प्रहार गरे । शुभ कंसाकारले ४१ तथा इशान पाण्डेले ३२ रनकाे याेगदान बनाएका थिए ।

आसामका आयुष्मान मलाकार र अभिनव चौधरीले २-२ विकेट लिए ।