‘जेन–जीलगायतको भावना अनुरूप काम गर्नुहोला प्रधानमन्त्री ज्यु बधाइ छ’

राजनीति

काठमाडौं । काठमाडौं महानगरपालिकाकी उपप्रमुख सुनिता डङ्गोलले नवनियुक्त प्रधानमन्त्री सुशीला कार्कीलाई बधाई दिँदै जेन–जीलगायत समस्त न्यायप्रेमी जनताको भावनाअनुरूप काम गर्न आग्रह गरेकी छिन् ।

उपप्रमुख डंगोलले प्रधानमन्त्री कार्कीलाई निराशाको अन्त्य गरी आशाको सञ्चार र सुशासनको मार्गमा अघि बढ्न सुझाव दिएकी छिन् ।

उनले भनेकी छिन्– ‘नेपालको पहिलो महिला प्रधानमन्त्रीका रूपमा नियुक्त हुनुभएकोमा पूर्व प्रधानन्यायाधीश श्रीमती सुशीला कार्कीज्यूलाई हार्दिक बधाई तथा सफल कार्यकालको शुभकामना व्यक्त गर्दछु । यो तपाईंका लागि केवल ऐतिहासिक र गौरवमय क्षण मात्र होइन, अपितु बदलाको भावनाभन्दा माथि उठेर, जेन–जीलगायत समस्त न्यायप्रेमी जनताको भावना अनुरूप मुलुकमा न्याय, समानता र सुशासनको आधारशिला निर्माण गर्ने स्वर्णिम अवसर पनि हो ।’

उनले नयाँ पुस्ताको आकाङ्क्षा र शहीदहरूको अविस्मरणीय बलिदानलाई सम्मान गर्दै गहन जिम्मेवारीलाई सफल ढङ्गले अघि बढाउन पनि आग्रह गरेकी छिन् ।

उनले भनेकी छिन्– ‘नेतृत्वले द्वन्द्वको सट्टा संवाद, विभाजनको स्थानमा एकता, निराशाको अन्त्य गरी आशाको सञ्चार र सुशासनको मार्गमा मुलुकलाई अगाडि बढाउनेछ भन्ने दृढ विश्वास व्यक्त गर्दछु ।’

Comments

प्रकाशित मिति : 2025-09-13

‘जेन–जीलगायतको भावना अनुरूप काम गर्नुहोला प्रधानमन्त्री ज्यु बधाइ छ’

Comments

अरु समाचार