विपद प्रतिकार्यमा सरकारकाे भुमिकादेखि सन्तुष्ट सभामुख, धन्यवाद दिए !

समाचार

काठमाडाैं । प्रतिनिधि सभामुख देवराज घिमिरेले असोज १८ र १९ गतेको प्राकृतिक विपदमा सरकारले खेलेको भूमिका सकारात्मक रहेको भन्दै धन्यवाद दिएका छन् ।

लगातारको अविरल वर्षाका कारण देशका विभिन्न भागमा ठूलो जनधनको क्षति पुगेका बेला सरकारका तर्फबाट गरिएको कामलाई प्रशंसायोग्य भने ।

एक विज्ञप्ति जारी गर्दै उनले वर्तमान अवस्थामा सरकारका तर्फबाट उद्धार र पुनर्स्थापनाका लागि सबै सुरक्षा निकाय, स्वास्थ्यकर्मी, प्राविधिक टोली तथा स्वयंसेवकहरूलाई परिचालन गरिएकोमा धन्यवाद व्यक्त गरेका हुन् ।

उनले भनेका छन्, ‘सरकारका तर्फबाट उद्धार र पुनर्स्थापनाका लागि सबै सुरक्षा निकाय, स्वास्थ्यकर्मी, प्राविधिक टोली तथा स्वयंसेवकहरूलाई परिचालन गरिएकोमा धन्यवाद व्यक्त गर्दै पीडितको राहतका लागि ध्यानाकर्षण गराउँदछु ।’

साथै बाढीपहिरोले जनधनको ठूलो क्षति पुर्‍याएकोमा दुःख व्यक्त गरे । ‘यस चुनौतीपूर्ण घडीमा हामी सबै एकजुट भएर अघि बढ्ने हो भनेमात्र विपदलाई पार गर्न सक्छौं । साथै, राहत तथा उद्धारमा संलग्न सुरक्षा निकाय र स्थानीय प्रशासनलाई पूर्ण सहयोग गर्न सबै देशवासीमा अपिल गर्दछु,’ उनले भने ।