सन् २०२६मा टी–२० विश्वकप खेल्ने २० टाेली कुन-कुन हुन ?

समाचार

- न्युज नेपाल

काठमाडाैं । सन् २०२६ मा भारत र श्रीलङ्कामा आयोजना हुने आइसिसी टी–२० विश्वकप खेल्ने २० वटै टोलीको टुङ्गो लागेको छ ।

ओमानमा जारी एसिया तथा इस्ट एसिया प्यासिफिक छनोटअन्तर्गत बिहीबार राति संयुक्त अरब इरिमेट्स (युएई) ले जापानलाई आठ विकेटले हराउँदै विश्वकपमा पुगेसँगै सहभागी सबै टोलीको टुङ्गो लागेको हो ।

यसअघि नेपाल र ओमानले १८औँ र १९औँ टोलीको रुपमा विश्वकपमा स्थान बनाएका थिए । साथै छनाेट प्रतियाेगिताकाे अन्तिम खेलमा नेपालले सामोआलाइ फराकिलाे रन अन्तरले पराजित गर्दै छनोटको ट्रफी जितेकाे छ । उक्त प्रतियाेगितामा क्रमश नेपाल पहिलाे, अायाेजक अाेमन दाेस्राे तथा युएइ तेस्राे बन्दै विश्वकपमा स्थान बनाएका हुन् ।

विश्वकपमा भारत र श्रीलङ्का आयोजक देशको रूपमा सोझै छनोट भएका छन् । यस्तै अस्ट्रेलिया, इङ्ल्यान्ड, दक्षिण अफ्रिका, वेस्ट इन्डिज, बङ्गलादेश, अफगानिस्तान र अमेरिका अघिल्लो संस्करणमा सुपर आठमा स्थान बनाएकाले सोझै छनोट भएका हुन् ।

न्युजिल्यान्ड, पाकिस्तान र आयरल्यान्ड वरियाताका आधारमा छनोट हुँदा क्यानाडाले अमेरिकी महादेश, नेदरल्यान्ड्स र इटालीले युरोप तथा जिम्बावे र नामिबियाले अफ्रिकी छनोट पार गरेर विश्वकपमा स्थान बनाएका हुन् ।