ताजा समाचार

झापा महिला गोल्डकप आजदेखि शुरू हुँदै

खेलकुद
-
       

काठमाडाैं। झापा महिला गोल्डकप प्रतियोगिता आजदेखि शुरू हुँदैछ । उद्घाटन खेल दिउँसो दुई बजे नेपाल पुलिस क्लबको महिला टोली र चर्च ब्वाइज युनाइटेडको महिला टोलीबीच हुनेछ । झापाको दुधे रंगशालामा आजदेखि शुरू हुने प्रतियोगिता कात्तिक २४ गतेसम्म चल्नेछ ।

यसअघि कात्तिक १५ गतेदेखि शुुरू हुने भनिएको प्रतियोगिता वर्षाका कारण दुई दिनपछि सरेको हो । आठ वटा टोलीको सहभागिता रहने प्रतियोगिताको विजेताले १० लाख १० हजार रुपैयाँ र दोस्रो हुने टोलीले ५ लाख रुपैयाँ पाउने आयोजकले जनाएको छ ।

प्रतियोगितामा नेपाल पुलिस, चर्च ब्वाइज युनाइटेड, एपीएफ क्लब, सिङलिङ एस.सी सिक्किम, संकटा क्लब, झापा एफसी, त्रिभुवन आर्मी क्लब र आर.एस पोखरा सहभागी छन् ।

Comments

प्रकाशित मिति : 2025-11-03

अरु समाचार

© NewsNepal 2018 - All Right Reserved.
newsnepal.com 2017.hlon.org