कर्णालीले विराटनगरविरुद्ध टस जितेर पहिला ब्याटिङ गर्दै !

खेलकुद

- न्यूज नेपाल

काठमाडौं । सिद्धार्थ बैंक नेपाल प्रिमियर लिग (एनपीएल) मा विराटनगर किंग्सविरुद्ध कर्णाली याक्सले पहिले ब्याटिङ गर्ने भएको छ।

टीयु क्रिकेट मैदानमा विराटनगरविरुद्ध कर्णालीका कप्तान सोमपाल कामीले टस जितेर पहिला ब्याटिङ गर्ने निर्णय लिएका हुन् ।

कर्णालीले आजको खेलमा एक खेलाडी परिवर्तन गरेको छ। अर्जुन घर्तीको स्थानमा दिपक डुम्रे आएका छन्।

विराटनगरले तीन खेलाडी परिवर्तन गरेको छ। सूर्य तामाङ, नरेन भट्ट र शुभम रन्जले बेन्चमा छन्। उनीहरूको स्थानमा साहिल पटेल, सेहान जयसूर्य र सुवास भण्डारी सुरुवाती ११ मा आएका छन्।

विराटनगर ४ खेलमा ३ जितसहित दोस्रो र कर्णाली ३ खेलमा एक जितसहित पाँचौ स्थानमा छ ।

कर्णाली याक्सको टोली : सोमपाल कामी, पवन सर्राफ, दिपक डुम्रे, नन्दन यादव, विपिन शर्मा, युवराज खत्री, गुल्सन झा, मार्क वाट, विलियम वसिस्टो, नजिबुल्लाह जड्रान र प्रियांक पञ्चाल।

विराटनगर किंग्सको टोली : सन्दीप लामिछाने, प्रतिश जिसी, लोकेश बम, बसिर अह्मद, नारायण जोशी, सुवास भण्डारी, साहिल पटेल, सेहान जयसूर्य, हेनरी जर्ज मुन्से, साम हिजलेट र मर्चेन्ट डि लाङगे।