ताजा समाचार

एनपीएलमा आज चार टाेली प्रतिस्पर्धा गर्दै !

खेलकुद
- न्यूज नेपाल
       

काठमाडौं । काठमाडौंको त्रिभुवन विश्वविद्यालय अन्तराष्ट्रिय क्रिकेट मैदान कीर्तिपुरमा सिद्धार्थ बैंक नेपाल प्रिमियर लिग (एनपिएल)मा दुइटा खेल हुँदैछ।

पहिलो खेलमा विराटनगर किंग्सले सुदूरपश्चिम रोयल्सको सामना गर्नेछ। भने दोस्रो खेलमा चितवन राइनोज् र पोखरा एभेन्जर्सले प्रतिस्पर्धा गर्नेछन् । जहाँ, विराटनगर र सुदूरपश्चिमबिचको खेल बिहान सवा ११ बजे हुनेछ भने चितवन र पोखराबिचको खेल साढे ३ बजे सुरु हुनेछ ।

सुदूरपश्चिम १२ अंकसहित तालिकाको शीर्ष स्थानमा छ। विराटनगर ८ अंकका साथ तेस्रो स्थानमा छ। सुदूरपश्चिमले क्वालिफायर खेल्ने पक्का भइसकेको छ। त्यस्तै, विराटनगरले आजको खेल ठूलो अन्तरले जितेको अवस्थामा उसले पनि क्वालिफालयर खेल्न सक्ने सम्भावना हुन्छ।

त्यसो नभए उसले लुम्बिनी लायन्ससँग इलिमिनेटर खेल्नेछ। इलिमिनेटरमा जित्ने टिमले दोस्रो क्वालिफायरमा पहिलो क्वालिफाइर हार्ने टोलीसँग फाइनलका लागि भिड्नेछ।

Comments

प्रकाशित मिति : 2025-12-06

अरु समाचार

© NewsNepal 2018 - All Right Reserved.
newsnepal.com 2017.hlon.org