ताजा समाचार

एमाले महाधिवेशन : मनोनीत १०८ प्रतिनिधिको सूचीप्रति ईश्वर पोखरेलको आपत्ति !

Blog
- न्यूज नेपाल
       

काठमाडौं । नेकपा एमालेको ११औँ राष्ट्रिय महाधिवेशनका निम्ति मनोनीत १०८ प्रतिनिधिका विषयमा अध्यक्षका दाबेदार एवं वरिष्ठ उपाध्यक्ष ईश्वर पोखरेलले असमति रहेको बताएका छन् ।

मंसिर २६ शुक्रबार सचिवालय बैठकमा १०८ प्रतिनिधि अध्यक्ष केपी शर्मा ओली र वरिष्ठ उपाध्यक्ष पोखरेल बसेर टुंगो लगाउने सहमति गरिएको थियो ।

यी हुन् मनोनीत १०८ प्रतिनिधि

मंसिर २७ शनिबार बिहान ओली र पोखरेल बसेर प्रतिनिधि टुंगो लगाउने भनिएको थियो । तर, उक्त सहमतिविपरीत एकलौटी ढंगले सूची प्रकाशन गरिएको पोखरेलले बताए । शनिबार प्रकाशित सूची शुक्रबार ओलीले प्रस्तुत गरेको नाम भएको पोखरेल समूहको भनाइ छ ।

पोखरेलले शुक्रबार आफ्नो समूहका तर्फबाट अलग सूची प्रस्तुत गरेका थिए । ती दुवै नाममा सहमति खोज्ने निर्णय गरिएको थियो । तर, शनिबार प्रकाशित प्रतिनिधिका नाम ओलीले टेबल गरेको सूची मात्र भएको पोखरेल समूहले जनाएको छ ।

Comments

प्रकाशित मिति : 2025-12-13

अरु समाचार

© NewsNepal 2018 - All Right Reserved.
newsnepal.com 2017.hlon.org