एमाले उपाध्यक्ष ज्ञवालीद्वारा सक्रिय राजनीतिबाट विश्राम लिएकोको घोषणा

Blog

- न्यूज नेपाल

काठमाडौं । नेकपा (एमाले)का उपाध्यक्ष युवराज ज्ञवालीले सक्रिय राजनीतिबाट बाहिरिएको घोषणा गरेको छन् ।

पार्टीको ११औँ महाधिवेशनको बन्दसत्रस्थल भृकुटीमण्डपबाट उनले अब सक्रिय राजनीति नगर्ने घोषणा गरेका हुन् ।

काठमाडौंको भृकुटीमण्डपमा आइतबार (मंसिर २८) बसेको केन्द्रीय कमिटी बैठकमा ७२ वर्षीय ज्ञवालीले पदाधिकारीमा चुनाव नलड्ने घोषणा गरे पनि एमाले भने नछाड्ने बताए । तथापी एमालेले गत भदौमा विधान सम्मेलनबाट ७० वर्षे उमेर हद भने हटाइसकेको छ ।

विधानको ७० बर्से उमेरहदको अभ्यासलाई देखाउँदै उनले अब कुनै पदमा सक्रिय नहुने प्रष्ट्याएका हुन् । २०२६ सालबाट कम्युनिष्ट राजनीतिमा सक्रिय ज्ञवाली पार्टीमा शालिन व्यक्तित्व भएका वैचारिक नेताका रुपमा चिनिन्छन् ।

नयाँ नेतृत्व चयनका लागि एमालेको महाधिवेशन जारी छ । यही महाधिवेशनकै दौरानमा एमालेकै पोलिटब्युरो सदस्य एवं पूर्वमन्त्री दलबहादुर रानाले पनि शनिबार सक्रिय राजनीतिबाट विश्राम लिएको घोषणा गरेका थिए ।