विनोद चाैधरीलाई अदालतको झड्का, केवाइसी भ्यानको मोनोपोली तोडिदै

breaking news

- न्यूज नेपाल

काठमाडाैं । अदालत गएर भएपनि शक्ति प्रदर्शन गर्ने ठानेका डलर अर्बपति विनोद चाैधरीलाई जिल्ला अदालत काठमाडाैंको आदेशले झड्का दिएको छ ।

सिजि मोटर्सले एम्बर मोटर्स प्रालिविरुद्ध केवाइसी भ्यानको दुरुस्तै स्पेसिफिकेसनसहित केवाइसी ब्राण्डका गाडी बेचेको भन्दै अदालत गएको थियो । तर, काठमाडाैं जिल्ला अदालतले सिजिको करार सम्झाैता विपक्षीबाट नविकरण नभएको र म्याद सकिएको ६ महिना वितिसकेको भन्दै अल्पकालीन आदेशलाई खारेज गरिदिएपछि चाैधरीको शक्ति भताभुङ्ग बन्न पुगेको हो ।

नियोसी (NEOSEA) ब्रान्डका इलेक्ट्रिक भ्यानहरू आयात र बिक्री गर्दै आएको एम्बर मोटर्स प्रालिविरुद्ध विनोद चाैधरीको सिजी ग्रुपले अनेक मुद्दा मामला गर्दै आफ्नो पक्षमा काम गराउने षडयन्त्र रचेपनि जिल्ला अदालत काठमाडाैंले षडयन्त्रलाई निस्तेज पारिदिएको हो ।

चिनियाँ कम्पनी चोङछिङ कुवायुविरुद्ध (CHONGOING KUAYUE (Group) CO., LTD ले उत्पादन गरेको केवाइसी ब्राण्डको गाडी नेपालमा ल्याएर वेचेपछि सर्भिसदेखि अन्य सुविधामा सिजीले मोनोपोली राख्दै ग्राहकलाई दुख दिएको गुनासो चर्किएपछि चिनियाँ कम्पनी सम्झाैता नविकरण नगर्ने पक्षमा उभिएको बताइन्छ ।

‘निवेदकसंगको विपक्षी कम्पनीको सम्झाैता रद्द भई सकेको आधारमा विपक्षी बाणिज्य आपूर्ति तथा उपभोक्ता संरक्षण विभागद्वारा अर्को स्वतन्त्र निकाय विपक्षी इलेक्ट्रोनिक्स ड्रिम्स मोबिलिटी प्रालीलाई नेपाल एजेन्सी ऐन २०१४ बमोजिम रितपूर्वक एजेन्सी दर्ता गरि दिएको विषय कानूनविपरित नदेखिएको हुँदा निवेदकको माग बमोजिमको आदेश जारी गर्ने अवस्था देखिएन भनि रिट खारेज गरेको समेत देखिदा र उक्त मिति ७ जुलाई २०२२ को सम्झाैता उक्त कम्पनीले मिति ५ जुलाई २०२५ मा रद्द गरेको लगभग ६ महिना वेतित भई सकेको देखिदा प्रस्तुत मुद्दा फैसला हुँदा ठहरे बमोजिम हुने नै हुँदा यस अदालतबाट मिति २०८२ पुस ८ मा भएको अल्पकालीन आदेशलाई निरन्तरता दिइरहन परेन। कानून बमोजिम गर्नु’ आदेशमा भनिएको छ।

चाैधरीले अनेक बहाना झिकेर चिनियाँ कम्पनीमाथि षडयन्त्र गर्ने प्रयास गरिरहेका छन भने नियोसिया ब्राण्डलाई नेपालमा प्रतिबन्ध लगाएर आफू एकलाैटी नाफा आर्जन गर्ने प्रयास भने गरिरहेका छन् । तर, अदालतले साथ नदिदा उनी तनावमा फस्न थालेका छन् ।

सम्बन्धित समाचार शीर्षकः

विनोद चाैधरीको मोनोपोली उच्च अदालत पाटनले पारिदियो चक्नाचुर, केवाइसी भ्यानको विवाद सुल्झियो