ताजा समाचार

जानकीमन्दिरको उत्तराधिकारी महन्तमा रामरोशन दास वैष्णवलाई मान्यता दिने उच्च अदालतको फैसाला

समाचार
-
       

जनकपुरधाम । उच्च अदालतले जानकी मन्दिरको उत्तराधिकारी महन्तका रूपमा रामरोशन दासलाई मान्यता दिने फैसला गरेको छ ।अदालतको निर्णयपछि धार्मिक तथा सामाजिक वृत्तमा स्वागत गरिएको छ ।

फैसलापछि साधुसन्त तथा शुभेच्छुकहरूले दासलाई बधाई तथा शुभकामना व्यक्त गरेका छन् । उनीहरूले जानकी मन्दिरको परम्परा, धार्मिक आस्था तथा संस्कृतिको संरक्षणमा नयाँ नेतृत्वले सकारात्मक भूमिका खेल्ने विश्वास व्यक्त गरेका छन् ।

स्थानीयले अदालतको निर्णयले लामो समयदेखिको विवाद अन्त्य भएको प्रतिक्रिया दिएका छन् । उनीहरूले अब जानकी मन्दिरको धार्मिक गतिविधि, व्यवस्थापन तथा विकासका कार्यहरू अझ प्रभावकारी रूपमा अघि बढ्ने विश्वास गरेका छन् ।

फैसला सार्वजनिक भएसँगै सामाजिक सञ्जालमा समेत ‘जय सियाराम’ नारासहित समर्थन र शुभकामनाका सन्देशहरू व्यापक रूपमा साझा भइरहेका छन् ।

Comments

प्रकाशित मिति : 2026-05-19

अरु समाचार

© NewsNepal 2018 - All Right Reserved.
newsnepal.com 2017.hlon.org