विकल पौडेलले लगभग ४२ करोड रुपियाँ गैरकानुनी सम्पति आर्जन गरेको विशेष अदालतको ठहर

breaking news

काठमाडौं । विकल पौडेलसहित चारजना विरुद्धअख्तियार दुरूपयोग अनुसन्धान आयोगले गैरकानुनी सम्पत्ति आर्जन गरी भ्रष्टाचार गरेको आरोपमा दायर भएको मुद्धामाथि विशेष अदालतले आंशिक ठहर गरेको छ । पौडेलले ४१ करोड ९४ लाख ७३ हजार २ सय ४२ रुपियाँ ८५ पैसा गैरकानुनीरुपमा कमाएको शुक्रबार गरिएको फैसलामा उल्लेख छ ।

विशेष अदालतले ठहरे बमोजिमकै सम्पति जफथ र दुई वर्ष कैद सजायको फैसाला गरेको छ । पौडेल सुरक्षण मुद्रण केन्द्रका कार्यकारी निर्देशक भएकाले थप ६ महिना कैद सजायको फैसाला पनि गरेको छ । विशेष अदालतका अध्यक्ष माननीय न्यायाधीश बासुदेव आचार्य, माननीय न्यायाधीश उमेश कोइराला र विदुर कोइरालाको इजलासले पौडेलविरुद्ध उक्त फैसाला गरेको हो ।

पौडेल २०७४ सालदेखि २०८० सालसम्म केन्द्रको कार्यकारी निर्देशक भएका थिए। पौडेलले अवैध रूपमा ६२ करोड १९ लाख १८ हजार ६८४ रुपैयाँ २९ पैसा गैरकानुनी सम्पत्ति आर्जन गरेको दाबीसहित आयोगले विशेष अदालतमा मुद्दा दायर गरेको थियो।