सिरियाली सेनाद्वारा युद्धबिरामको घोषणा

सूचना प्रविधि

दमास्कस ‘सिरिया’, २३ असार । ईद उल फित्रको अवसर पारेर सिरियाली सेनाले गएरातिदेखि ७२ घन्टासम्मका लागि एकपक्षीय रूपमा राष्ट्रव्यापी युद्धबिरामको घोषणा गरेको छ ।

यसअघिका वर्षहरुमा जस्तै यसवर्ष पनि सिरियाली सेनाले यस चाडको अवसरमा युद्धविरामको घोषणा गरेको हो । यहाँको राष्ट्रिय सेनाको यो निर्णय बुधबारको मध्यरातिदेखि सुरु भई शुक्रबार मध्यरातसम्म लागू हुनेछ ।

सिरियामा पछिल्लो समयमा सन् २०१६ को फेब्रुअरी २७ मा युद्धविराम भएको थियो । यसअघि अमेरिका र रसियाको पहलमा उक्त युद्धबिराममा भएको थियो ।

त्यस समयको युद्धविरामको सिरियाली आईएस विद्रोही र अलकायदा समर्थक सिरियाली सङ्गठन अलनुस्रा फ्रन्टले भने समर्थन गरेका थिएइनन् ।

यस पटकको यस युद्धरिामपछि भने उनीहरुको केही प्रतिक्रिया आएको छैन । सरकारले सिरियाको उत्तरी प्रान्त अलेप्पोमा आईएसविरुद्धको लडाइँलाई जारीगर्दै विद्रोहीविरुद्ध सशक्त कारबाही थालेपछि फेब्रअरीको युद्धबिराम अन्त्य भएको थियो ।

उता बुधबारकै दिन पनि सरकारी सेनाले युद्धबिरामको घोषणा गरेकै दिन सेना र विद्रोही पक्षबीच दमास्कस वरपरको क्षेत्रमा झडप भएको थियो ।

यस झडपमा परी कैयौं व्यक्ति हताहत भएको अनुमान गरिएको छ । सिरियाली आईएस समूहका सैन्य प्रवक्ता यासेर अल तैयवले सो झडपको जानकारी दिएका थिए । रासस/एपी