रेडबुल राष्ट्रिय फुटसल लिग, हाइवे र रजनी फुटसलको जित

खेलकुद

काठमाडौं, १५ असोज । नेपाली फुटसल इतिहासमै सर्वाधिक पुरस्कार राशिको रेडबुल राष्ट्रिय फुटसल लिग अन्तर्गत शुक्रबार भएका खेलमा हाइवे फुटसल र रजनी फुटसलले विजय हासिल गरेका छन् ।

सामाखुसी फुटसलमा भएको पहिलो खेलमा होम टिम सामाखुसीलाई हाइवे फुटसलले अत्यन्त प्रतिस्पर्धात्मक खेलमा ६–७ गोल अन्तरले पराजित गरेको छ ।

अवे मैदानमा हाइवेलाई जिताउन विकास लामाले ह्याट्रिक गरे भने अमित तामाङ र बसन्त गुरुङले दुई/दुई गोल गरे ।

सामाखुसी फुटसलका नविन लामा र सन्तोष तामाङ दुवैले ह्याट्रिक गरे पनि आफ्नो टोलीलाई विजयी बनाउन सकेनन् । यस खेलको म्यान अफ द म्याच सामाखुसी फुटसलका नविन लामा चुनिए ।

चौर रिक्रियसन सेन्टरमा भएको दोस्रो खेलमा रजनी फुटसलले होम टिम चौर रिक्रियसनमाथि ५–१ गोल अन्तरको फराकिलो जित हात पा-यो ।

रजनी फुटसललाई जिताउन सुशान केसीले ह्याट्रिक गरे भने विभोर गुरुङ र अविन थापाले एक/एक गोल गरे ।

एकतर्फी खेलमा चौरका रमेश गुरुङले सान्त्वना गोल फर्काए । खेलको म्यान अफ द म्याचको उपाधि रजनी फुटसलका रुशान केसी घोषित भए ।

होम एन्ड अवेको आधारमा २८ मंसिरसम्म सञ्चालन हुने लिगमा काठमाडौं, ललितपुर र भक्तपुरका विभिन्न १६ फुटसल टिमको सहभागिता छ ।

लिगमा सहभागी टिमलाई दुई समूहमा विभाजन गरिएको छ । प्रतियोगिताको विजेता टोलीले नगद १० लाख प्राप्त गर्नेछन् भने उपविजेताले ५ लाख प्राप्त गर्नेछन् ।

त्यसैगरी प्रतियोगिताका उत्कृष्ट खेलाडी र उत्कृष्ट गोलरक्षकले जनही ५० हजार नगद प्राप्त गर्नेछन् ।

Comments

प्रकाशित मिति : 2016-10-01

रेडबुल राष्ट्रिय फुटसल लिग, हाइवे र रजनी फुटसलको जित

Comments

अरु समाचार