१०० दिन अघि नै निर्वाचन कानुन चाहियो : प्रमुख निर्वाचन आयुक्त यादव

समाचार

काठमाडौं १० माघ। वैशाखमा स्थानीय चुनाव गर्ने प्रमुख तीन दलको सहमति लगतै प्रधानमन्त्री प्रचण्डले प्रमुख निर्वाचन आयुक्त अयोधीप्रसाद यादवसँग छलफल गरेका छन् । सोमबार बिहान बालुवाटारमा भएको भेटमा प्रचण्डले २०७४ माघ ८ भित्र तीनै तहको चुनाव गराउन सरकार प्रतिबद्ध रहेको भन्दै निर्वाचन आयोगको तयारीबारे जानकारी लिएका छन् । ‘तीन दलमा चुनावमा जाने सहमति भइसकेको छ । अरु दलहरुसँग पनि म छलफलमा छु,’ प्रधानमन्त्री प्रचण्डको भनाइ उद्धृत गर्दै प्रेस सल्लाहकार गोविन्द आचार्यले भने, ‘१८ वर्षसम्म स्थानीय निकाय नहुँदा बेथिती बढेको छ । त्यसैले जेठ १५ भित्रै स्थानिय तहको चुनाव गराउनुपर्छ ।’ प्रमुख निर्वाचन आयुक्त यादवले चुनावका लागि आयोग आन्तरिक र प्राविधिकरुपमा तयार भइसकेको भन्दै निर्वाचन सम्बन्धी ऐन (कानुनको प्रतिक्षामा रहेको बताएका छन् । राजनीतिक ढिलासुस्तीका कारण चैतमा चुनावको सम्भावना टरिसकेको भन्दै प्रमुख निर्वाचन आयुक्त यादवले कम्तिमा एक सय दिन अगाडि नै आवश्यक कानुन बनाउन सुझाव दिए । अन्यथा २०७४ माघ ७ भित्र तीनवटै तहको चुनाव गराउन नसकिने उनले बताएका थिए । यादवले राजनीतिक निर्णय गरेमा १०० देखि १२० दिनमा आयोगले निर्वाचन गराउन सक्ने प्रधानमन्त्रीलाई बताएको आचार्यले बताए । ।

Comments

प्रकाशित मिति : 2017-01-23

१०० दिन अघि नै निर्वाचन कानुन चाहियो : प्रमुख निर्वाचन आयुक्त यादव

Comments

अरु समाचार