६४ औं कुष्ठ रोग दिवस : चालु आवमा १२ जना कुष्टरोगीको पहिचान

समाज

- नरजन तामाङ

सुर्खेत, १६ माघ । सुर्खेतमा चालु आर्थिक वर्ष २०७३÷७४ मा १२ जना कुष्ठरोगका नयाँ बिरामी फेला परेको जिल्ला जनस्वास्थ्य कार्यालयले जनाएको छ ।
समयमा नै कुष्ठरोगको उपचार गरौँ अपांगता हुनबाट बचौँ भन्ने मुल नारासहित सोमबार मनाउन लागिएको ६४औँ कुष्ठरोग दिवसको पूर्व सन्ध्यामा जिल्ला जनस्वास्थ्य कार्यालय कार्यालय र आईएनएफ सुर्खेतले आयोजना गरेको कार्यक्रममा यस्तो बताईएको हो । जनस्वास्थ्य कार्यालयका क्षय–कुष्ठ अधिकृत गणेशभक्त गौतमले अहिले जिल्लाभर ४२ जना कुष्ठरोगका बिरामी उपचाररत रहेको बताए ।

यसैबिच, कुष्ठरोग निवारण हुन बाँकी रहेका नेपालका १८ जिल्लालाई सरकारले सन् २०२० सम्म पूर्ण रुपले कुष्ठरोग निवारण गर्ने लक्ष्य राखेको छ । विश्वभर कुष्ठरोगीको सङ्ख्या सुस्त ढङ्गले घटिरहेको अवस्थामा सन् २०१० यता नेपालमा भने घटेको देखिँदैन जस्ले गर्दा सरकारले राखेको लक्ष्य पुरा हुनेमा चुनौति देखिएको पनि गौतमले बताए ।
नेपालमा विसं २०६५ मा कुष्ठरोगको निवारण भएको घोषणा गरिए पनि यसले सार्थकता भने पाउन नसकेको भन्दै उनले अहिले देशभर ३ हजार ५४ जना नयाँ बिरामी फेला परेको पनि जानकारी दिए । अहिले दुई हजार पाँच सय ५९ जना कुष्ठरोगका बिरामीको उपचार भइरहेको पनि गौतमको भनाई छ । देशभर करिब ३३ हजार व्यक्ति यस रोगबाट अपांगता भएको अनुमान गरिएको गौतमले जानकारी दिए ।
यस्तै, दिवसका अवसरमा भोलि बिहान आईएनएफ सुर्खेतमा उपचाररत कुष्ठरोगका बिरामीहरुलाई फलफुल, उपहारलगायत सामग्री वितरण गरिने पनि उनले जानकारी दिए । अङ्ग्रेजी वर्ष जनवरी महिनाको अन्तिम आइतबार कुष्ठरोग दिवस मनाउने प्रचलन रहँदै आएको छ । दिवसका अवसरमा आज (आइतबार) बिरामीहरुलाई फलफूल वितरण गर्ने कार्यक्रम पनि रहेको छ ।

सिदार्थको स्थापना दिवसमाा दृष्टिबिहीन हेरविचार केन्द्रलाई २५ हजार सहयोग
सुर्खेतस्थिति सबैभन्दा ठूलो सञ्चारगृह सिद्धार्थ संचार सहकारी संस्था लि.को १० औं स्थापना दिवस शनिबार सम्पन्न भएको छ । स्थापनका दिवसको अवसर पारेर संस्थाले वीरेन्द्रनगरमा रहेको दृष्टिविहीन हेरविचार केन्द्रलाई नगद २५ हजार सहयोग प्रदान गरिएको छ ।

संस्थाले शनिवार एक कार्यक्रमको आयोजना गरी सहकारीका अध्यक्ष दिपबहादुर रानामगरले दृष्टिबिहीन केन्द्रका अध्यक्ष जीवनकुमार शाक्यलाई २५ हजारको चेक प्रदान गरेका छन् । हरेक वर्ष सामाजिक संघसंस्थाहरुलाई सहयोग गर्दै आएको सहकारीले यसवर्ष दृष्टिविहीन हेरविचार केन्द्रलाई सहयोग गरेको हो । सहयोग हस्तान्तर गर्दै संस्थाका अध्यक्ष रानाले दृष्टिबिहीनहरुको जिवनस्तर माथि उकास्नका लागि आफूहरुको सहयोगले महत्वपूर्ण हुने बताए । केन्द्रका अध्यक्ष शाक्यले सहकारीले गरेको सहयोगप्रति हार्दिक आभार व्यक्त गरेका छन् । उनले यस्तै संघसंस्थाहरुको सहयोग अपरिवार्ह रहेको बताउँदै सबैको सहयोग भए आफूले सुर्खेतमा दृष्टिबिहीनका लागि छात्रावास निर्माण गर्ने योजना रहेको बताए ।
सहयोग हस्तान्तरण कार्यक्रममा सिदार्थ सञ्चार सल्लाहकार डिलबहादुर वसीमगर, कृष्णा वंशीमगर, बेचुलाल चौधरी, संस्थाका उपाध्यक्ष कृष्ण रास्कोटीमगसर, सचिव ललित गाहामगर, सिद्दार्थ बहुउद्देश्यीय सहकारी संस्थाका अध्यक्ष आशुराम सोमैमगर र व्यवस्थापक झक्कड पुलामीमगर लगायत सम्पूर्ण संञ्चालक सदस्य एवम् कर्मचारीको उपस्थिति रहेको थियो ।