पदको जिद्दी कसैले नगरौं : नवनियुक्त महानिरीक्षक अर्याल

समाचार

काठमाडौं । नवनियुक्त प्रहरी महानिरीक्षक प्रकाश अर्यालले जसरी पनि पद आफूले नै पाउनुपर्छ भन्ने जिद्दी कसैले पनि गर्न नहुने बताएका छन् । राजधानीमा आयोजित एक कार्यक्रममा उनले प्रहरी नायव महानिरीक्षक ‘डिआइजी’ नवराज सिलवालतर्फ लक्षित गर्दै महानिरीक्षक अर्यालले सो कुरा बताएका हुन् । अर्याललाई सरकारले सोमबार महानिरीक्षकमा नियुक्त गरेको हो ।

डिआइजी सिलवालले आफूलाई आइजिपी नबनाएपछि पटक-पटक सर्वोच्च अदालतमा मुद्दा दायर गर्दै आएका छन् ।

अर्यालले आफू संगठनको बफादार सिपाही भएको र आफूजस्तै करिब ७५ हजार कर्मचारी प्रहरी सङ्गठनको व्याचको टपर भएपनि जयबहादुर चन्दलाई आईीज्पी बनाउने निर्णयलाई अन्यथा नलिएको बताए ।

उनले आफू मुलुकको जुनसुकै ठाउँमा बसेर काम गरेको वताउँदै सर्वोच्च अदालतले दुई जना डीआइजीको मात्र कार्यसम्पादन मूल्याङन फाइल मगाउँदा मलाई असहज लागेको वताए । त्यसैले आफ्नो पनि कार्यसम्पादन मुल्याङ्कन हेरियोस् भनी रिट हालेको जानकारी दिए । उनले भने, ‘सर्वोच्चले मेरो चाहना सम्बोधन हुने देखेपछि रिट फिर्ता लियो । ’

सरकारले मलाई महानिरीक्षक बनाएको छ । यसलाई आश्चर्यभन्दा बढी मेरो कामको सम्मान गरेको मैले बुझेको छु । संगठनमा महानिरीक्षक बन्ने हरेको सपना हुन्छ । तर,सबै सपना पूरा हुँदैनन् । कहिलेकाहीं ‘बेस्ट’ले पनि पाउँदैनन् । तर, मैले नै पाउनुपर्छ, जसरी पनि मै हुनुपर्छ भन्ने जिद्दी गर्न नहुने अर्यालको भनाई छ ।

सधै आफूलार्इ भन्दा कामलाई बढी प्राथमिकता दिएका कारण आफू ओझेलमा परेको उनले बताए । साथै उनले आगामी दिनहरुपमा पनि जनतालाई शान्तिसुरक्षाको प्रत्याभूती दिलाउने बताए ।