महान्यायाधिवक्ताकै नाममा इतिहासमै पहिलो पटक कारण देखाउ आदेश

समाचार

काठमाडौं, ५ वैैशाख । सर्वोच्च अदालतले अदालतको अपहेलना गरेको मुद्दामा महान्यायाधिवक्ता रमण कुमार श्रेष्ठको नाममा कारण देखाउ आदेश जारी गरेको छ ।

सर्वोच्च अदालतका न्यायाधीशले प्रकाश मानसिह राउतको एकल इजलासले आज उक्त आदेश जारी गरेका हो । सहन्यायाधीवक्ता डा. टेकबाहादुर घिमिरेले दायर गरेको अदालतको अपहेलना सम्बन्धी

मुद्दामा उक्त आदेश दिएको हो । नेपाल सरकारका महान्यायाधिवक्ताकै नाममा अदालतको अवहेलना गरेको मुद्धा र कारण देखाउ आदेश जारी भएको नेपालको इतिहासमै पहिलो पटक मानिएको छ ।

निबेदक घिमिरेले आफूलाई नेपाल सरकारले गैर सँबैधानिक , गैर कानुनी र कार्यविधिगत त्रुटिपूर्ण निलम्वन गरेको भनि उत्प्रषणको रिट द्धारा उक्त निर्णय बदरगरी पाउ भनि सर्वोच्च अदालतमा दायर गरेको निबेदनको हकमा सुनुवाई हुँदा मिति २०७३\ १२ \२० गते सर्वोच्चले अन्तरकालिन आदेश दिएको थियो ।

सो आदेश अनुसार निबेदकलाई आजिर गराउनुपर्नेमा नगराई अदालतको आदेशको अवज्ञा गरेकोले कारवाहि गरी पाउँ भनि घिमिरेले सर्वोच्च अदालतमा महान्यायाधीवक्ता रमन श्रेष्ठ समेत विरुद्ध अवहेलना मुद्धा दायर गरेका थिए ।