मान्छे मार्नेलाई डेढ करोड क्षतिपूर्ति, अर्काको ज्यान जोगाउने हबल्दारलाई १५ सय पुरस्कार

समाचार

काठमाडौं, २७ असार । मतदानस्थलमा फ्याकिएको बम समात्ने प्रहरी हबल्दार दुर्गाबहादुर रानालाई सम्मान गरेको छ । तुलसीपुर ३, अम्बासस्थित आधारभूत निम्न माध्यमिक विद्यालय मतदान केन्द्रमा बुथलाई मध्यनजर गर्दै प्रहार गरेको बम हातमा थापेर फालेका थिए। रानाले हातमा बम थापेर फालेका कारण त्यहाँ कुनै मानवीय क्षति भने हुन पाएन। त्यसपछि उनी निकै चर्चामा आए । गृहमन्त्री जनार्दश शर्माले समेत उनलाई बधाई दिँदै पुरस्कार दिने घोषणा गरे । उनको घोषणापछि हवल्दार राना झन चर्चामा आए ।

गृहमन्त्री शर्माले बचनबद्धता अनुसार गृहमन्त्रालयले केही प्रहरी अफिसर जम्मा गरेर मतदान स्थलमा फ्याकिएको बम हातले समातेर पर फाल्ने प्रहरी हबल्दार रानालाई सम्मान त गरे । तर त्यो एकदमै लज्जास्पद भयो । धेरैले कल्पना गरेका थिए गृहमन्त्री जनार्दन शर्मा प्रभाकरले ती हवल्दारको राम्रो मुल्यांकन गर्नेछन् र पद बढुवा गर्नेछन् । तर उनले दोशल्ला र १५ सय रुपैयाँ दिएर पुरस्किृत गरियो ।

के सम्मान पुरस्कार मिल्यो भन्ने कुरा एकदमै लज्जास्पद र अचम्म लाग्दो छ । प्रहरीको मनोबल बढाउने काम गर्छु भनेका गृहमन्त्रीले आफ्नै मातहतका जवानको यसरी गिराएका छन्, त्यो निकै लज्जास्पद छ । आफ्ना जिउँ ज्यानको प्रवाह नगरी जनतालाई बचाउन लागिपरेका हवल्दारलाई १५ सय रुपैयाँ दिएर सम्मानको साटो अपमान गरेका छन् ।

उक्त सम्मानका विषयमा गृहमन्त्रालयका अधिकारीलाई समेत जानकारी नभएको प्रतिक्रिया दिएका छन् । ‘गृहमन्त्रीज्यूले के कसरी गर्नुभयो त्यो मलाई थाहा भएन्’ गृहमन्त्रालयका सुचनाअधिकारी भविश्वर पाण्डेले भने ।

सामाजिक सञ्जालमा भाईरलः

मतदान स्थलमा फालिएको बम समातेर ठूलो क्षति हुनबाट बचाउने हबल्दार राना सामाजिक सञ्जालमा निकै चर्चामा आए । कतिपयले उनलाई प्रहरीको सच्चा हिरो समेत भने । सायद गृहमन्त्री शर्माले सामाजिक सञ्जालको प्रभावबाटै होला उनलाई पुरस्कार दिने घोषणा गरेको ।

गृहमन्त्री शर्माले नै सम्मान गर्ने बताएपछि त्यो विषय झन चर्चामा आयो । तर अन्तमा सबैले सोचेको तथा अनुमान गरेको भन्दा फकर भयो । उनलाई सम्मानस्वरुप जम्मा १५ सय रुपैयाँ दिईयो । जुन विषय सामाजिक सञ्जालमा फेरी पनि भाईरल भएको छ । सामाजिक सञ्जालमा एसएसपीसहित ९ जना मार्नेलाई पुरस्कारस्वरुप डेढ करोड दिने तर ज्यानको बाजी थापेर अर्काको ज्यान जोगाउने प्रहरीलाई १५ सय मात्र भन्दै विरोध भईरहेको छ ।

गृहमन्त्रीको स्पष्टिकरणः

गृहमन्त्री शर्माले भने यो विषय झुट र भ्रामक भएको प्रतिक्रिया दिएका छन् । उनले हबल्दार राना गृह मन्त्रालयमा भेट्न आएको र आफुले धन्यबाद मात्र दिएको बताएका छन् । गृहमन्त्रीले हबल्दार रानालाई पुरस्कार स्वरुप १५ सय रुपैयाँ दिए भन्ने विषय भाईरल भएपछि यस्तो प्रतिक्रिया दिएका हुन् । उनले सामाजिक सञ्जाज मार्फत भनेका छन् ।